სამწუხაროდ, ვხედავთ, რომ "ნაციონალურმა მოძრაობამ" და მათთან დაკავშირებულმა სატელიტებმა შეძლეს და საპრეზიდენტო კამპანიის გარემო არის ძალადობაზე, შეურაცხყოფაზე და ცრუ ინფორმაციების გავრცელებაზე ორიენტირებული, - ამის შესახებ საპარლამენტო უმრავლესობის ლიდერმა, არჩილ თალაკვაძემ განაცხადა.

თალაკვაძე გამოეხმაურა მმართველი პოლიტიკური გუნდის მიერ გაკეთებულ განცხადებას იმის შესახებ, რომ მას და მის შვილებს ლიკვიდაციით ემუქრებიან.

"დესტრუქციულმა ოპოზიციურმა ძალებმა მოახერხეს, რომ საპრეზიდენტო კამპანია მიმდინარეობს შეურაცხყოფის და კონფრონტაციის რეჟიმში, რაც არ იყო არც სალომე ზურაბიშვილის, არც "ქართული ოცნების" და არც სხვა პროევროპული პარტიების მიზანი. ამ შემთხვევაში ჩვენ სამწუხაროდ ვხედავთ, რომ "ნაციონალურმა მოძრაობამ" და მათთან დაკავშირებულმა სატელიტებმა შეძლეს და საპრეზიდენტო კამპანიის გარემო არის ძალადობაზე, შეურაცხყოფაზე და ცრუ ინფორმაციების გავრცელებაზე ორიენტირებული. მე ძალიან კარგად მესმის, თუ რა ამოძრავებთ ამ ადამიანებს, რატომ ცდილობენ სიტუაციის დაძაბვას, თუმცა ასევე ნახეთ სალომე ზურაბიშვილის განცხადება, რომელმაც მიმართა სახელმწიფოს, რომ მისი უსაფრათხოება იყოს დაცული", - განაცხადა არჩილ თალაკვაძემ.

უმრავლესობის ლიდერი დარწმუნებულია, რომ სახელმწიფო ინსტიტუტებს ზურაბიშვილის განცხადებაზე შესაბამისი რეაგირება ექნებათ.