საგარეო ურთიერთობათა კომიტეტზე საპარლამენტო უმრავლესობის და ოპოზიციის წარმომადგენლებს შორის შელაპარაკება მოხდა

პარლამენტის საგარეო ურთიერთობათა კომიტეტზე საპარლამენტო უმრავლესობის და ოპოზიციის წარმომადგენლებს შორის შელაპარაკება მოხდა.

„ნაციონალური მოძრაობის" წევრმა, სალომე სამადაშვილმა დააყენა საკითხი, საგანგებო სხდომის მოწვევის შესახებ, რომელზეც მისი თქმით, საგარეო საქმეთა და იუსტიციის მინისტრებს ჰააგაში მიმდინარე სასამართლო პროცესის შესახებ უნდა მოუსმინონ.

მისივე თქმით, ჰააგაში საქართველო თავის პოზიციებს ვერ იცავს და საქართველოს ელჩი სრულიად ქმედითუუნაროა.

საპასუხოდ, საპარლამენტო უმრავლესობის ლიდერმა, არჩილ თალაკვაძემ "ნაციონალური მოძრაობა" ჰააგაში მიმდინარე პროცესთან დაკავშირებით სიცრუის ტირაჟირებაში დაადანაშაულა. თალაკვაძემ სამადაშვილს მიმართა, წარედგინა შესაბამისი დოკუმენტაცია, რაც აჩვენებს, რომ საქართველი პოზიციებს არ იცავს.

სამადაშვილის თქმით, შესაბამისი მასალები არსებობს და ის სურვილის შემთხვევაში პირადად მიაწვდის საპარლამენტო უმრავლესობის წარმომადგენლებს.

დისკუსიას შეუერთდა „ევროპული საქართველოს" ერთ-ერთი ლიდერი გიგა ბოკერია, რომელმაც უმრავლესობას საკითხის ისტერიის გარეშე განხილვისკენ მოუწოდა და უმრავლესობას სხდომის დასანიშნად რამდენიმე დღე მისცა.

ოპოზიციამ და უმრავლესობამ ერთმანეთი სიცრუის გავრცელებაში, რუსეთის სასარგებლო ქმედებაში და „ძველბიჭურ“ საუბარში დაადანაშაულა.

კომიტეტის თავმჯდომარის, სოფო ქაცარავას თქმით, ჰააგაში მიმდინარე პროცესთან დაკავშირებით მინისტრებთან კონსულტაცია გაიმართება და გადაწყდება, როდის მივლენ ისინი პარლამენტში.

იხილეთ ვიდეო: შელაპარაკება საპალამენტო უმრავლესობის და ოპოზიციის წარმომადგენლებს შორის საგარეო ურთიერთობათა კომიტეტზე

ლევან დოლიძე - სირიაში მოვლენების განვითარება დამოკიდებულია იქნება იმაზე, რამდენად კოორდინირებულად იმოქმედებს ნატო, აშშ და თურქეთი, თუმცა, საქართველოში სირიიდან მიგრანტების დიდ ნაკადს არ ველი
ქართული პრესის მიმოხილვა 28.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში
სასიამოვნო სიურპრიზი „ტოიოტასგან“ საავტომობილო რბოლის მოყვარულთათვის
ადგილობრივი სასტუმროების ჯგუფური და ინდივიდუალური დაჯავშნის ონლაინ პლატფორმა HOTEL HUB GEORGIA ბაზარზე ოპერირებას ამიერიდან HOTEL HUB GROUP-ის სახელით გააგრძელებს
„ბადაგონს“ საუკეთესო ქართული ღვინის კომპანიის სტატუსი მიენიჭა
GM Pharma-ს („ჯი-ემ-პი“) ხარისხის ახალი ISO სერტიფიკატი გადაეცა
სამსუნგმა Galaxy S20 სერია წარადგინა
PSP პირველი ჩაერთო გაეროს განვითარების პროგრამის პროექტში „სოციალური დაცვის სისტემის გარდაქმნა შეზღუდული შესაძლებლობის მქონე პირებისთვის“