შანიძის ქუჩაზე გზის რეაბილიტაცია მიმდინარეობს

მთაწმინდის რაიონში, შანიძის ქუჩაზე, გზის კაპიტალური რეაბილიტაცია მიმდინარეობს. მერიის ინფორმაციით, პროექტის ფარგლებში, შეკეთდა და მოასფალტდა საფეხმავლო ზონები, რომლის გასწვრივ, 1200 გრძივი მეტრი ბაზალტის ბორდიური მოეწყო. ასევე, მოწესრიგდა მიწისქვეშა კომუნიკაცია. ამ ეტაპზე, სავალ ნაწილზე ასფალტის ახალი საფარი იგება.

საგზაო ინფრასტრუქტურა მთლიანობაში, 5600 კვ.მ ფართობზე მოწესრიგდება, რისთვისაც გამგეობის ბიუჯეტიდან დაახლოებით, 250 ათასი ლარი დაიხარჯება.

სამუშაოების მიმდინარეობას მთაწმინდის რაიონის გამგებელი დავით კირკიტაძე, მოადგილეებთან ერთად გაეცნო.

გზის კეთილმოწყობა შანიძის ქუჩაზე ერთ კვირაში დასრულდება.

ვიქტორ ყიფიანი - გარე პროცესების გავლენათა მართვა ყველა ჩვენგანის თანამონაწილეობას და საზიარო პასუხისმგებლობას მოითხოვს
ქართული პრესის მიმოხილვა 28.09.2020
კახა კუკავა - 7 პრიორიტეტი გვაქვს, რაც ჩვენ საარჩევნო პროგრამაშია