დავით მათიკაშვილი - „ნაციონალური მოძრაობა" ემზადება მოვლენების ესკალაციისთვის, თუმცა არაფერი გამოუვათ

„ნაციონალური მოძრაობა" ემზადება მოვლენების ესკალაციისთვის, თუმცა მათ არაფერი გამოუვათ, - ამის შესახებ საპარლამენტო უმრავლესობის წევრმა, დავით მათიკაშვილმა განაცხადა.

მათიკაშვილი გამოეხმაურა „ნაციონალური მოძრაობის“ საპრეზიდენტო კანდიდატის, გრიგოლ ვაშაძის პიარტექნოლოგის, ვიტალი შკლიაროვის განცხადებას, რომელმაც რადიოსადგურ „ეხო მასკვის“ ვებგვერდზე გამოქვეყნებულ სტატიაში დაწერა, რომ გამორიცხული არ არის დეკემბერში საქართველოში „ნამდვილი დემოკრატიული რევოლუცია“ მოხდეს.

„ეს არის პირდაპირი დასტური იმისა, რასაც ამბობდა და ხაზს უსვამდა მმართველი გუნდი. დიახ, სწორედ მოსკოვიდან იგეგმება ის საფრთხეები, რის პრევენციასაც ჩვენი ხელისუფლება ახდენს. ეს არის რევოლუციის სურვილი, რა სურვილიც ამოძრავებს "ნაციონალურ მოძრაობას". მისთვის მისაღებია ნებისმიერი სახის ძალადობა. აქ საუბრები რაიმე სახის უსისხლო და დემოკრატიულ რევოლუციაზე არის ინსინუაცია და ტყუილი. "ნაციონალური მოძრაობა" ემზადება მოვლენების ესკალაციისთვის, თუმცა მათ არაფერი გამოუვათ, სახელმწიფო არ დაუშვებს იმას, რომ ქვეყანაში მოვლენების ესკალაცია მოხდეს. აუცილებლად ჩატარდება მეორე ტური და ქვეყანას აუცილებლად ეყოლება ღირსეული პრეზიდენტი", - განაცხადა დავით მათიკაშვილმა.

პიარტექნოლოგი ვიტალი შკლიაროვი რადიოსადგურ „ეხო მასკვის“ ვებგვერდზე სტატიას აქვეყნებს.

„არის შანსი, რომ დეკემბერში საქართველოში სიტუაცია შეიძლება კარდინალურად შეიცვალოს. არის შანსი, რომ მოხდება არა მორიგი „ვარდების რევოლუცია“ ან ხელისუფლების შეცვლა, არამედ მშვიდობიანი და ნამდვილი ცვლილებების დემოკრატიული „რევოლუცია“. რევოლუცია, რომელშიც წაგებულები არ იქნებიან. საქართველო გახდება ახალი ტიპის უფრო ძლიერი დემოკრატიული „სახელმწიფო-სტარტაპი“, - წერს ვიტალი შკლიაროვი.

ვახტანგ ხმალაძე - ეუთო/ოდირის პასუხი საარჩევნო სისტემასთან დაკავშირებით ოპოზიციის წინადადებაზე სავარაუდოდ, ამ თვის ბოლომდე უნდა იყოს
ქართული პრესის მიმოხილვა 21.01.2020
ასლან ბჟანია - სოხუმსა და თბილისს შორის დიალოგი უნდა იყოს, როგორ ფორმატში, რა ფორმით, მნიშვნელობა არ აქვს
ხელოვნური ინტელექტი და სასამართლო - კიბერმართლმსაჯულება
Fitch-მა ტერაბანკს საკრედიტო რეიტინგი B+ მიანიჭა
სპორტში განხორციელებული ქველმოქმედებისთვის კომპანია "არქის" ჯილდო გადაეცა
KTW ჯგუფი გურიაში 14 მილიონზე მეტი ოდენობის ინვესტიციას ახორციელებს