ნიკა მელია  - ვიცით, „ქართულმა ოცნებამ" სად მოახერხა არჩევნების გაყალბება და სად ვერ მოახერხა, ჩვენი ამოცანაა, რომ სადაც მოახერხა, იქ აღარ გავაყალბებინოთ

„ნაციონალური მოძრაობის" ერთ-ერთი ლიდერის, ნიკა მელიას განცხადებით, გაერთიანებული ოპოზიციის ამოცანაა, რომ „ქართულ ოცნებას" საპრეზიდენტო არჩევნების მეორე ტური არ გააყალბებინოს. ამის შესახებ ნიკა მელიამ ჟურნალისტებს გაერთიანებული ოპოზიციის „ძალა ერთობაშიას" შტაბში განუცხადა, სადაც ამ წუთებში გაერთიანებული ოპიზიციის ლიდერები რაიონებში შტაბების ხელმძღვანელებს ხვდებიან.

მისი თქმით, აღნიშნული შეხვედრა იმართება იმ მიზნით, რომ ყველა მნიშვნელოვანი საკითხი გაიარონ.

„ახლა პირველი ტურის კარდიოგრამა გვიჭირავს. ვიცით, „ქართულმა ოცნებამ" სად მოახერხა გაყალბება და სად ვერ მოახერხა. ჩვენი ამოცანაა, რომ სადაც მოახერხა, იქ აღარ გავაყალბებინოთ და არც გავაყალბებინებთ. გარდა ამისა, ცხადია, სხვა უამრავი ორგანიზაციული საკითხია გასავლელი, რათა ძალიან მშვიდად, ორგანიზებულად არჩევნების დღეს საარჩევნო ურნებთან დავამარცხოთ ბიძინა ივანიშვილის ხელისუფლება სალომე ზურაბიშვილის ჩათვლით. ეს არის ამოცანა და ამას ეძღვნება ყოველდღიური შეხვედრები, რომელიც ინტენსიურად იმართება სხვადასხვა რეგიონებში. დღეს, უბრალოდ შევიკრიბეთ გრიგოლ ვაშაძის ცენტრალურ შტაბში, რათა გავიაროთ ყველა დეტალი, რომელიც არჩევნებში გამარჯვებისთვისაა მნიშვნელოვანი", - განაცხადა ნიკა მელიამ.

ვახტანგ ხმალაძე - ეუთო/ოდირის პასუხი საარჩევნო სისტემასთან დაკავშირებით ოპოზიციის წინადადებაზე სავარაუდოდ, ამ თვის ბოლომდე უნდა იყოს
ქართული პრესის მიმოხილვა 21.01.2020
ასლან ბჟანია - სოხუმსა და თბილისს შორის დიალოგი უნდა იყოს, როგორ ფორმატში, რა ფორმით, მნიშვნელობა არ აქვს
ხელოვნური ინტელექტი და სასამართლო - კიბერმართლმსაჯულება
Fitch-მა ტერაბანკს საკრედიტო რეიტინგი B+ მიანიჭა
სპორტში განხორციელებული ქველმოქმედებისთვის კომპანია "არქის" ჯილდო გადაეცა
KTW ჯგუფი გურიაში 14 მილიონზე მეტი ოდენობის ინვესტიციას ახორციელებს