საპარლამენტო უმრავლესობის წევრმა მიხეილ ყაველაშვილმა და „ევროპული საქართველოს“ წევრმა სერგო რატიანმა პარლამენტის ბიუროს სხდომაზე იკამათეს.
„სერგო, შენ რომ შეუერთდი ახლა „ნაციონალურ მოძრაობას“ გგონია რამე „გონორზე“ დაგვიწყებ ლაპარაკს და გგონია რამეს გაპატიებთ თუ რა?- ასე მიმართა საპარლამენტო უმრავლესობის წევრმა მიხეილ ყაველაშვილმა სერგო რატიანს, სადაც რატიანი ხორავას ქუჩაზე მომხდარი მკვლელობის საქმეზე შექმნილი საგამოძიებო კომისიის შესახებ საუბრობდა.
„პრობლემა ის არის, რომ იმ დღეს შსს-მ გასცა უკანონო ბრძანება და შესაბამისად, მთელმა ქვეყანამ ნახა როგორ იქცეოდა შსს. საშინელება იყო. კარვების წასართმევად დასდევდნენ ხალხს და ახლა ამბობენ, რომ ეს ქალი ტყუილად წაიქცა. რა იყო სეირნობდა და ტყუილად წაიქცა? თურმე მადლობა უნდა გადავუხადოთ ვიღაცას, რომ დაეცა ეს ქალი და ვიღაცამ წიხლი არ მიაყოლა. რაც შეეხება დადგენილებას, კომისიამ დაადგინა ჯგუფურ მკვლელობაში მონაწილე პირი, არის უამრავი ჩვენება, გასცა რეკომენდაცია. ცხადია, რომ მას ხელს აფარებდნენ. ეს არის დარღვევა. ამ მიმართულებით არაფერი გაკეთებულა“,- აღნიშნა რატიანმა.
სწორედ ამ განაცხადებას მოჰყვა დეპუტატებს შორის კამათი.
„სერგო, შენ რომ შეუერთდი ახლა „ნაციონალურ მოძრაობას“, გგონია რამე „გონორზე“ დაგვიწყებ ლაპარაკს და გგონია რამეს გაპატიებთ თუ რა? - აღნიშნა ყაველაშვილმა.