ვეტერანებისთვის უფასო ოფთალმოლოგიური კვლევები ჩატარდება. როგორც „ინტერპრესნიუსს“ ვეტერანების საქმეთა სახელმწიფოსამსახურიდან აცნობეს, აკადემიკოს ნ. ყიფშიძის სახელობის ცენტრალური საუნივერსიტეტო კლინიკის (ყოფილი „რესპუბლიკური საავადმყოფო“, მის.: ვაჟა-ფშაველას გამზირი N 29) ინიციატივით, კლინიკაში ვეტერანებისათვის საქველმოქმედო აქცია ტარდება.

კვალიფიციური ექიმი-ოფთალმოლოგები ვეტერანებს თვალის სნეულებათა უფასო გამოკვლევებს ჩაუტარებენ. აქცია 2019 წლის მარტამდე გაგრძელდება. აქციაში მონაწილე ვეტერანებმა თან უნდა იქონიონ ვეტერანის დამადასტურებელი მოწმობა.