არად ბენკო - მნიშვნელოვანია, რომ საქართველოში პოლიტიკური სტაბილურობა იყოს, რადგან მხოლოდ ასეა შესაძლებელი ევროპისკენ გზის გაგრძელება

საქართველოში ავსტრიის ელჩის არად ბენკოს შეფასებით, საქართველოში საარჩევნო გარემო თავისუფალია. მისი განცხადებით, მნიშვნელოვანია, რომ საქართველოში პოლიტიკური სტაბილურობა იყოს, რადგან მხოლოდ ასეა შესაძლებელი ევროპისკენ გზის გაგრძელება.

“როგორც წესი, დიპლომატები საშინაო საკითხებში არ ვერევით. ძალიან მნიშვნელოვანია, საქართველოს განვითარების სრული სურათის ნახვა. თუ საქართველოს განვითარებას შევხედავთ, არსებული ანგარიშებიდან შეგვიძლია ვთქვათ, რომ არჩევნები არის თავისუფალი და საწყის ეტაპებზე ეს ძალიან დიდ უპირატესობას წარმოადგენს. ჩვენ ვიცით, რომ დემოკრატიის საწყისი ეტაპები ბავშვის გაჩენის მსგავსად მტკივნეულია და ხანდახან არის პრობლემები, ხანდახან რთულია. მნიშვნელოვანია, რომ იყოს პოლიტიკური სტაბილურობა, რადგან მხოლოდ პოლიტიკურად სტაბილურ გარემოში შეგიძლიათ, რომ გზა ევროპისკენ გააგრძელოთ, განახორციელოთ ინვესტიციები და რეფორმები, რომლებიც საჭიროა”,- განაცხადა ავტრიის ელჩმა.

კითხვაზე, როგორ აფასებს მმართველი გუნდის მიერ მხარდაჭერილი საპრეზიდენტო კანდიდატის, სალომე ზურაბიშვილის განცხადებას, რომ მასსა და მისი ოჯახის წევრებს მუქარის შემცველი შეტყობინებები მისდით, ავტრიის ელჩმა უპასუხა, რომ საერთაშორისო საზოგადოებისთვის მნიშვნელოვანია, რომ არჩევნები სამართლიანად ჩატარდეს. “ჩვენთვის, როგორც საერთაშორისო საზოგადოების წევრებისთვის, ძალიან მნიშვნელოვანია ის, რომ არჩევნები ჩატარდეს სამართლიანად და თავისუფლად. პოლიტიკური სტაბილურობა უნდა იყოს გარანტირებული ქვეყანაში”,- აღნიშნა მან.

ვიქტორ ყიფიანი - ევროკავშირი საქართველოს  რეგიონში მთავარ პარტნიორად მიიჩნევს და აღნიშნავს, რომ საქართველო სრულადაა ჩართული „აღმოსავლეთ პარტნიორობის“  მრავალმხრიან  არქიტექტურაში
ქართული პრესის მიმოხილვა 20.02.2020
ზაალ ანჯაფარიძე - საარჩევნო სისტემაზე ხელისუფლებასთან მოლაპარაკებებზე შეიძლება წამოვიდნენ ის პარტიები, რომლებსაც „ნაციონალების“ წინაშე რაიმე ვალდებულებები არ გააჩნიათ
სტუდენტზე ორიენტაცია, მოტივაციის ზრდა და კვალიფიკაციის ამაღლება - სტუ-ის რექტორის მიზნები და გეგმები
„ტერაბანკმა“ იურიდიული პირებისთვის მობაილბანკი შექმნა
„მეტი ქართული პროდუქტის“ ინიციატივა „ვენდისთვის“ წარმატებული აღმოჩნდა