ისრაელმა “ჰამასის” ობიექტებზე მასობრივი შეტევა მიიტანა

ისრაელის საჰაერო ძალებმა ღაზას სექტორში, ტერორისტული ორგანიზაცია “ჰამასის” ობიექტებზე მასობრივი შეტევა მიიტანა, - ამის შესახებ ინფორმაციას ისრაელის თავდაცვითი ძალების პრესსამსახური ავრცელებს.

“ღაზას სექტორიდან მასობრივი დაბომბვის საპასუხოდ ისრაელის ავიაციამ საპასუხო ზომების გატარება დაიწყო. პასუხისმგებლობა აღნიშნულზე “ჰამასს” ეკისრება. ისრაელის ავიაციის სამიზნეს ღაზას სექტორში მდებარე ტერორისტული ობიექტები წარმოადგენს”, - ნათქვამია განცხადებაში.

ტერორისტულმა ორგანიზაცია "ჰამასმა" ისრაელზე იერიშები განაახლა. ისრაელის ადგილობრივი სააგენტოების ინფორმაციით, ბოლო ერთ საათში ისრაელმა 90 რაკეტა გაანეიტრალა, თუმცა რამდენიმე მათგანი ქვეყნის ტერიტორიაზე, სამ ქალაქში სდეროტში, ნევიროტში და ოფაკიმიში ჩამოვარდა.

აღნიშნულ ქალაქებში რამდენიმე ადგილას ძლიერი ხანძარი გაჩნდა. ვრცელდება ინფორმაციები დაშავებულთა და სავარაუდოდ გარდაცვლილთა შესახებ.

ასევე ერთ-ერთი რაკეტა დაეცა სამგზავრო ავტობუსს, რომელშიც 4 მგზავრი დაიღუპა. ისრაელის მთელ ტერიტორიაზე საგანგებო მდგომარეობაა გამოცხადებული, ჩართულია ხმოვანი სიგნალები. ისრაელის არმია საპასუხო იერიშისთვის ემზადება.

რასიმ მუსაბეკოვი  -  ის, რასაც პოსტსაბჭოთა სივრცეში სეპარატისტული „ბარდაკი“ ჰქვია, უნდა დასრულდეს
სტეპან გრიგორიანი - თუ აზერბაიჯანულ-სომხურ დაპირისპირებაში  თურქეთი ჩაერევა, ასეთ შემთხვევაში ამ პროცესში რუსეთიც ჩაერთვება
ქართული პრესის მიმოხილვა 30.09.2020
გიორგი მელიქიძე - საპენსიო სააგენტოს საინვესტიციო საქმიანობის შედეგი გამოიხატება მონაწილეებისათვის ადეკვატური პენსიით
წარმოების სრული ავტომატიზაცია - „გზაჯვარედინისა“ და BDO-ს პარტნიორობის წარმატებული ქეისი
ფინკა ბანკის მმართველ გუნდს ირაკლი ელაშვილი უხელმძღვანელებს
ჰიუნდაი ავტო საქართველო საშემოდგომო ფასდაკლებების აქციას იწყებს
"მადლიერების ჩიტი" ბატონ ჯემალ ჭკუასელს