ჩრდილოეთ კორეასთან მიმართებაში სანქციები და ზეწოლა მანამ შენარჩუნდება, ვიდრე ფხენიანი სრულად და შეუქცევლად არ იტყვის უარს ბირთვულ იარაღზე, - ამის შესახებ აშშ-ს ვიცე-პრეზიდენტმა მაიკ პენსმა იაპონიაში ვიზიტის ფარგლებში განაცხადა.

„აღსანიშნავია, რომ ამგვარი უარის თქმა სრულად შემოწმებადი უნდა იყოს“, - განაცხადა მაიკ პენსმა.

შეგახსენებთ, რომ 12 ივნისს სინგაპურში აშშ-ს პრეზიდენტის დონალდ ტრამპისა და ჩრდილოეთ კორეის ლიდერის კიმ ჩენ ინის პირველი შეხვედრა შედგა. მოლაპარაკებების შედეგად მხარეებმა ხელი მოაწერეს ერთობლივ დოკუმენტს, რომელშიც ფხენიანმა მხარი დაუჭირა კორეის ნახევარკუნძულის დენუკლეარიზაციას ვაშინგტონის მხრიდან უსაფრთხოების გარანტიების სანაცვლოდ.