ირაკლი კობახიძე ევროპარლამენტში საქართველოს შესახებ ანგარიშის განხილვაზე - ყველა შესაძლო კითხვაზე  ჩვენ მყარი პასუხები გვაქვს

პარლამენტის თავმჯდომარის, ირაკლი კობახიძის განცხადებით, საქართველო არის ის ქვეყანა, რომელსაც გასული წლების განმავლობაში დემოკრატიის, ადამიანის უფლებებისა და მედია პლურალიზმის კუთხით ფუნდამენტური წინსვლა ჰქონდა. ამის შესახებ ირაკლი კობახიძემ საქართველოს მიერ ევროკავშირთან ასოცირების ხელშეკრულებით აღებული ვალდებულებების შესახებ მომზადებული ანგარიშის ევროპარლამენტში განხილვასთან დაკავშირებით განაცხადა.

ირაკლი კობახიძის თქმით, ყველა შესაძლო კითხვაზე მათ მყარი პასუხი აქვთ.

„საქართველო არის ის ქვეყანა, სადაც გასული წლების განმავლობაში დემოკრატიის, ადამიანის უფლებების, მედია პლურალიზმის კუთხით ფუნდამენტური წინსვლა ჰქონდა. გახსოვთ, რა ხდებოდა 2012 წლამდე და რა ხდება დღეს, აქედან გამომდინარე, ყველა შესაძლო კითხვაზე, რომელიც დემოკრატიას, ადამიანის უფლებებსა და მედია პლურალიზმს უკავშირდება, ჩვენ მყარი პასუხები გვაქვს”,- აღნიშნა კობახიძემ.

ცნობისთვის, დღეს ევროპარლამენტის პლენარულ სესიაზე საქართველოს მიერ ასოცირების შეთანხმების შესრულების შესახებ ანგარიშის განხილვა მოხდება. ანგარიშს მისი ავტორი, ევროპარლამენტის დეპუტატი ანდრეს მამიკინსი წარადგენს.

თეა გოგოტიშვილი - სიფრთხილის და გონივრულობის გარდა გადარჩენის გზა არ გვაქვს
ქართული პრესის მიმოხილვა 02.12.2020
ვის ჩაუტარდება კლინიკა „ნიუმედში“ Covid 19-ის სწრაფი ტესტირება, მათ შორის ანტიგენზე დაფუძნებული ტესტით და D-დიმერის კვლევა უფასოდ? - ინტერვიუ კლინიკის დირექტორ ნათია ბულაცაშვილთან
კატარის ავიახაზები 15 დეკემბრიდან მე-5 ახალ მიმართულებას ამატებს სან ფრანცისკოს მიმართულებით და კიდევ უფრო აფართოებს ამერიკის შეერთებული შტატების ქსელს
გრიპის საწინააღმდეგო ვაქცინაცია კომპანია “GM Pharma”-ში
ლივომ უძრავი ქონების ყიდვა-გაყიდვის პროცესის გამარტივებისთვის სერვისების 80% გააციფრულა