ზურაბ ჭიაბერაშვილი - 2019 წლის ბიუჯეტი წინა წლების ასლია და ის ვერ იქნება პრობლემების მოგვარების ბიუჯეტი

„ევროპული საქართველოს“ წევრი ზურაბ ჭიაბერაშვილი თვლის, რომ 2019 წლის ბიუჯეტი წინა წლების ბიუჯეტის ასლია და ის ვერ იქნება პრობლემების მოგვარების ბიუჯეტი. როგორც ჭიაბერაშვილმა ჟურნალისტებთან განაცხადა, ბიუჯეტი არ ასახავს ბიძინა ივანიშვილის დაპირებას.

„ეს ბიუჯეტი არის წინა წლების ბიუჯეტების ზუსტი ასლი. სწორედ, ასე დაგეგმილმა ბიუჯეტებმა მიგვიყვანა სიღარიბის ზღვარზე ქვეყანაში. ამიტომ, ეს ბიუჯეტი არის არა მდგომარეობის გამოსწორების, არამედ პრობლემების კიდევ უფრო გაღრმავების ბიუჯეტი. თუნდაც პენსიის 20- ლარიანი ზრდა, რომელიც ჩადებულია, არსებითად ვერ შეცვლის სიტუაციას იქიდან გამომდინარე, რომ ქვეყანას სჭირდება მაღალი ეკონომიკური ზრდა, შეიქმნას სამუშაო ადგილები, მაგრამ ამას სჭირდება გადასახადების შემცირება და ის, რომ მთავრობამ მოიკლოს ბიუროკრატიული ხარჯები.

ჩვენ მოვისმინეთ ბიძინა ივანიშვილისგან არჩევნების პირველი ტურის მერე, რომ ფუნდამენტურად გადაიხედებოდა პენსიების, დევნილთა შემწეობის, სოციალური საკითხები, მაგრამ ბიუჯეტი არც ერთი ამ მიმართულებით არ ასახავს, თუნდაც ერთი კვირის წინ ბიძინა ივანიშვილის მიერ გაცემულ დაპირებას. ამიტომ, ვხედავთ იმას, რომ სიტყვა რჩება სიტყვად და ივანიშვილი აგრძელებს ქართველი ხალხის მოტყუებას“, - განაცხადა ზურაბ ჭიაბერაშვილმა.

რასიმ მუსაბეკოვი  -  ის, რასაც პოსტსაბჭოთა სივრცეში სეპარატისტული „ბარდაკი“ ჰქვია, უნდა დასრულდეს
სტეპან გრიგორიანი - თუ აზერბაიჯანულ-სომხურ დაპირისპირებაში  თურქეთი ჩაერევა, ასეთ შემთხვევაში ამ პროცესში რუსეთიც ჩაერთვება
ქართული პრესის მიმოხილვა 30.09.2020
გიორგი მელიქიძე - საპენსიო სააგენტოს საინვესტიციო საქმიანობის შედეგი გამოიხატება მონაწილეებისათვის ადეკვატური პენსიით
წარმოების სრული ავტომატიზაცია - „გზაჯვარედინისა“ და BDO-ს პარტნიორობის წარმატებული ქეისი
ფინკა ბანკის მმართველ გუნდს ირაკლი ელაშვილი უხელმძღვანელებს
ჰიუნდაი ავტო საქართველო საშემოდგომო ფასდაკლებების აქციას იწყებს
"მადლიერების ჩიტი" ბატონ ჯემალ ჭკუასელს