საკრებულოს კომისიების სხდომაზე "თიბისი ბანკის" სათავო ოფისის და საზოგადოებრივი სივრცის მოსაწყობად განაშენიანების რეგულირების გეგმის პროექტი დაამტკიცეს

თბილისის საკრებულოს კომისიების გაერთიანებულ სხდომაზე "თიბისი ბანკის" სათავო ოფისის და საზოგადოებრივი სივრცის მოსაწყობად განაშენიანების რეგულირების გეგმის პროექტი დაამტკიცეს.

აღნიშნული გენგეგმის პროექტი ლისის ტბის მიმდებარედ, სოფელ ლისისკენ მიმავალი გზის მარჯვენა მხარეს არსებულ მიწის ნაკვეთზე მრავალფუნქციური კომპლექსის მშენებლობას ითვალისწინებს, სადაც "თიბისი ბანკის" სათავო ოფისი, რესტორანი, კაფე, სპორტული დარბაზი, სპა, საცურაო აუზი და სხვა ობიექტები განთავსდება.

როგორც საკრებულოს გარემოს დაცვისა და ურბანული დაგეგმარების გაერთიანებულ სხდომაზე ითქვა, აღნიშნული ნაკვეთი „თიბისი ბანკის“ კუთვნილებაა.

როგორც "ინტერპრესნიუსს" "თიბისი ბანკის" ახალი სამშენებლო პროექტის მენეჯერმა რატი ჯიქიამ განუცხადა, აღნიშნული პროექტი არა მარტო "თიბისი ბანკის" სათავო ოფისის მოწყობას ითვალისწინებს.

"ეს არის მრავალფუნქციური კომპლექსი, რომელიც საზოგადოებისთვისაც ხელმისაწვდომი იქნება. იქ გაკეთდება ფიტნეს-ცენტრი, გალერეა, კაფე და სხვა ობიექტები. სულ საამშენებლო ფართობი 65 ათასი კვ.მ- ია, საიდანაც 24 ათასი კვ.მ პარკინგისთვის არის გათვალისწინებული, დანარჩენი საოფისე და საზოგადოებრივი ობიექტების ფართია. ჩვენი ბანკის ოფისები ოთხ სხვადასხვა ლოკაციაზეა გადანაწილებული. გვინდოდა ყველა ერთად ყოფილიყო თავმოყრილი", - განაცხადა ჯიქიამ.

მისივე თქმით, დავალება მიიღეს და მზად არიან მერიის საკუთრებაში არსებულ მიმდებარე ტერიტორიაც გაამწვანონ, სულ 11 000კვ.მ ფართობი ოფისი ტერიტორიის გარდა.

პროექტის განხორციელებას „თიბისი“ სამშენებლო ნებართვის დამტკიცების შემდეგ დაიწყებს.

ემილ ავდალიანი - ირანი და ჩინეთი 400 მილიარდი დოლარის შეთანხმებას ამზადებენ, თუ ეს მოხდა პერსპექტივაში ჩინური გავლენა ირანსა და ახლო აღმოსავლეთზე ხელშესახები გახდება
ქართული პრესის მიმოხილვა 25.09.2020
ამირან სალუქვაძე - 2020 წლის საპარლამენტო არჩევნების მთავარი ინტრიგა იქნება, ვინ გადალახავს ამ საცოდავ 1%-ს
მე-3 და მე-4 კატეგორიების საწარმოებისთვის
Samsung Galaxy S20 FE (Fan Edition) წინასწარი შეკვეთები უკვე დაიწყო
პანდემიის დროს გააქტიურებული ქართული სტარტაპი - 0% საკომისიო და უფასო მიტანა 100 დღის განმავლობაში
„კარფურის გათამაშება გრძელდება“ - წინ კიდევ უსასრულო სიურპრიზებით სავსე 2 კვირა გელოდებათ
"ლიბერთის" ახალი აქცია - #გულით პედაგოგებისთვის