გაყალბებას აპირებენ კვლავ? კიდევ აპირებენ ხალხს მოპარონ თავისი არჩევანი? ამას თუ აპირებენ, ბუნებრივია, ადამიანებს აქვთ უფლება ქუჩაში გამოვიდნენ და პროტესტი გამოხატონ, - ამის შესახებ "ნაციონალური მოძრაობის" წევრმა გიორგი ბარამიძემ ბოლო დროს ხელისუფლების მიერ გაკეთებული განცხადებების კომენტირებისას აღნიშნა.
ბარამიძის თქმით, ოპოზიციის დადანაშაულება დესტაბილიზაციის მცდელობაში, არასერიოზულია.
„მე მგონი, ყველას მობეზრდა და ღიმილის მომგვრელია ამ თემის ასე გაბაიბურება. არ შეიძლება დესტაბილიზაცია ყოველ წამს იძახო. ამაში დადანაშაულება, როცა არც ერთი ფაქტი არ არის, უგუნურებაა ხელისუფლების მხრიდან. არავინ აპირებს და არც საუბრობს არანაირ დესტაბილიზაციაზე, უბრალოდ, ბუნებრივია, საზოგადოებას შეიძლება ჰქონდეს მშვიდობიანი პროტესტი, თუკი ხელისუფლებამ
გააყალბა არჩევნები. გაყალბებას აპირებენ კვლავ? კიდევ აპირებენ ხალხს მოპარონ თავისი არჩევანი? ამას თუ აპირებენ, ბუნებრივია, ადამიანებს აქვთ უფლება ქუჩაში გამოვიდნენ და პროტესტი გამოხატონ. ამას ეძახიან დესტაბილიზაციას და ამას უკრძალავენ ხალხს?"- განაცხადა ბარამიძემ.