„თიბისი ბანკის“ შვილობილი კომპანია „თიბისი ლიზინგი“ 15 წლის იუბილეს აღნიშნავს. როგორც „ინტერპრესნიუსს“ „თიბისი ბანკიდან“ აცნობეს, კომპანია, რომლის ჯამური პორტფელიც დღეს უკვე 235 მლნ ლარამდეა და ბაზრის 70%-ზე მეტი წილი უკავია, ერთ-ერთი პირველი იყო საქართველოში, ვინც მომხმარებელს ლიზინგის პროდუქტი შესთავაზა.

„თიბისის“ შვილობილ კომპანიას გააჩნია სხვადასხვა მიმართულებები და ინიციატივები. ბიზნესის მიმართულებით, „თიბისი ლიზინგი“ 1,000-მდე კლიენტთან თანამშრომლობს. კომპანია ასევე ხელს უწყობს სტარტაპების დაფინანსებას.

„თიბისი ლიზინგი“ ასევე ცდილობს წვლილი შეიტანოს ეკო გარემოს შექმნაში ენერგოეფექტური ტექნიკის დაფინანსების გზით.

ლიზინგის შესახებ მეტი ინფორმაციის მიღება შეგიძლიათ საიტზე tbcleasing.ge“-ნათქვამია „თიბისი“ ბანკის მიერ გავრცელებულ ინფორმაციაში.