გიგა ბოკერია ფინანსთა მინისტრს - არის თუ არა ეკონომიკისთვის მავნებლური და საზიანო მმართველი გუნდის წარმომადგენელთა განცხადებები მოსალოდნელი არეულობების შესახებ

“ევროპული საქართველოს“ ერთ-ერთმა ლიდერმა გიგა ბოკერიამ ფინანსთა მინისტრს მიმართა განმარტოს, არის თუ არა ეკონომიკისთვის მავნებლური და საზიანო მმართველი გუნდის წარმომადგენელთა განცხადებები მოსალოდნელი არეულობების შესახებ.

“ხომ სწორად მესმის თქვენი პოზიცია, რომ ნებისმიერი მოლოდინი ძალადობის, არეულობისა და ქაოსის შესახებ ეკონომიკასა და ლარის კურსზე ცუდად მოქმედებს. თქვენ ალბათ თვლით, რომ საქართველო არის დემოკრატიული ქვეყანა და დემოკრატიულ ქვეყანაში ოპოზიციამ შეიძლება არჩევნები მოიგოს. მოისმინეთ თუ არა თქვენი პოლიტიკური თანაგუნდელების განცხადებები, რომ თუ არჩევნებს ოპოზიცია მოიგებს, იქნება სამოქალაქო ომი. ასევე, ვრცელდება განცხადებები, რომ თუ ოპოზიცია წააგებს, არეულობას მოაწყობს, ანუ არეულობა ყველა ვარიანტში იქნება. არის თუ არა ეს უპასუხისმგებლო, მავნებლური და საზიანო განცხადებები? თუ ამაში მეთანხმებით, თქვენი განცხადება, რომ ლარის კურსის ვარდნა არის ოპოზიციის სიბინძურისა და რიტორიკის ბრალი, აქ აგერიათ და “ქართული ოცნება“ უნდა გეთქვათ და ოპოზიცია წამოგცდათ?“, - მიმართა გიგა ბოკერიამ ფინანსთა მინისტრ ივანე მაჭავარიანს პარლამენტის პლენარულ სხდომაზე.

პარლამენტი 2019 წლის ბიუჯეტის პროექტს იხილავს, რომელიც დეპუტატებს ფინანსთა მინისტრმა ივანე მაჭავარიანმა წარუდგინა.

ვახტანგ ხმალაძე - ეუთო/ოდირის პასუხი საარჩევნო სისტემასთან დაკავშირებით ოპოზიციის წინადადებაზე სავარაუდოდ, ამ თვის ბოლომდე უნდა იყოს
ქართული პრესის მიმოხილვა 22.01.2020
ასლან ბჟანია - სოხუმსა და თბილისს შორის დიალოგი უნდა იყოს, როგორ ფორმატში, რა ფორმით, მნიშვნელობა არ აქვს
ხელოვნური ინტელექტი და სასამართლო - კიბერმართლმსაჯულება
"ლიბერთი ბანკსა" და "ევექსი კლინიკებს" შორის ურთიერთთანამშრომლობის მემორანდუმი გაფორმდა
"სილქნეტი" აგრძელებს ოპტიკური ქსელის განვითარებას რეგიონებში - დაფარვის ზონას დაემატა დუშეთი
Fitch-მა ტერაბანკს საკრედიტო რეიტინგი B+ მიანიჭა
სპორტში განხორციელებული ქველმოქმედებისთვის კომპანია "არქის" ჯილდო გადაეცა
KTW ჯგუფი გურიაში 14 მილიონზე მეტი ოდენობის ინვესტიციას ახორციელებს