ბექა დავითულიანი - შეგვიძლია ვითამაშოთ ფეხბურთი, შეგვიძლია ვითამაშოთ არჩევნები, მთავარია ხალხის ბედით არ ვითამაშოთ, როგორც „ნაციონალები“ იქცევიან

შეგვიძლია ვითამაშოთ ფეხბურთი ან არჩევნები და დავამარცხოთ, მთავარია ხალხის ბედით არ ვითამაშოთ, როგორც "ნაციონალური მოძრაობა" იქცევა, - ამის შესახებ საკრებულოს ფრაქცია "ქართული ოცნების" წევრმა ბექა დავითულიანმა, "ნაციონალური მოძრაობის" წევრის, ლევან ხაბეიშვილის მიერ, საკრებულოს სხდომაზე "ინტერის" მაისურის მიტანის შესახებ განაცხადა.

"ფეხბურთის მაისური შეუძლიათ ჩაიცვან, შეგვიძლია ვითამაშოთ ფეხბურთი და დავამარცხოთ, შეგვიძლია ვითამაშოთ არჩევნები და დავამარცხოთ. მთავარია ხალხის ბედით არ ვითამაშოთ, როგორც ისინი იქცევიან",- აღნიშნა დავითულიანმა.

შეგახსენებთ, რომ თბილისის საკრებულოში ფრაქცია „ნაციონალური მოძრაობის“ წევრ ლევან ხაბეიშვილსა და „ქართული ოცნების“ წარმომადგენლებს შორის შეკამათება მოხდა. დეპუტატებს შორის კამათი მას შემდეგ დაიწყო, რაც ლევან ხაბეიშვილმა უმრავლესობის წევრებს დედაქალაქის მერისთვის საფეხბურთო კლუბ მილანის „ინტერის“ მაისური გადასცა. ხაბეიშვილის თქმით, კალაძე და მერია ბაგა-ბაღების ხელმძღვანელობას პოლიტიკური ნიშნით ავიწროვებს. ოპოზიციონერმა დეპუტატმა სწორედ არჩევნების პირველი ტურის შედეგებს დაუკავშირა რამდენიმე ბაღის დირექტორის გათავისუფლება.

„ხალხის წინააღმდეგ არის დედაქალაქის მერი და მინდა მას ვუთხრა: ეს არის მილანის „ინტერის“ ფორმა. „მილანი“ და „ინტერი“ დაპირისპირებულები არიან. კალაძე თბილისელებს უყურებს, როგორც მოწინააღმდეგეებს. ეს ფორმა გადაეცით კალაძეს, თუ არადა, აქ დავტოვებ. მილანის „ინტერის“ ფეხბურთელები არ არიან თბილისელები“, - მიმართა ლევან ხაბეიშვილმა უმრავლესობის წევრებს.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს