ოთარ კახიძე ფინანსთა მინისტრს - ბატონმა ბიძინამ მოიტყუა, როდესაც თქვა, რომ რადიკალურად გადაიხედებოდა პენსიონრებისა და დევნილების შემწეობები, თუ არ ემორჩილებით პარტიის თავმჯდომარის ამ მოწოდებას?!

ბატონმა ბიძინამ მოიტყუა, როდესაც თქვა, რომ რადიკალურად გადაიხედებოდა პენსიონრებისა და დევნილების შემწეობები, თუ თქვენ არ ემორჩილებით პარტიის თავმჯდომარის ამ მოწოდებას?!, - ამ კითხვით „ევროპული საქართველოს“ წევრმა ოთარ კახიძემ პარლამენტის პლენარულ სხდომაზე ფინანსთა მინისტრ ივანე მაჭავარიანს 2019 წლის ბიუჯეტის პროექტის განხილვისას მიმართა. მისი თქმით, წარმოდგენილ ბიუჯეტში, სადაც პენსიის 20 ლარით გაზრდაზეა საუბარი, ეს თანხა შარშან უკვე გათვალისწინებული იყო.

„ჩემი კითხვა ეხება თქვენი პარტიის თავმჯდომარის, ბიძინა ივანიშვილის გამოსვლას, რომელიც 5 ნოემბრით თარიღდება. ბიძინა ივანიშვილმა განაცხადა, რომ პენსიონერებისა და დევნილების შემწეობები რადიკალურად უნდა გადაიხედოს. თქვენ მიერ წარმოდგენილ ბიუჯეტში, სადაც გვთავაზობთ 20-ლარიან ზრდას პენსიის, ეს უკვე შარშან იყო გათვალისწინებული. ანუ შარშან როდესაც თქვენი წინამორბედი, ბატონი ქუმსიშვილი აქ ბრძანდებოდა, მან განაცხადა, რომ 2019-ში პენსია 20 ლარით გაიზრდებოდა, 2020-ში კიდევ 20 ლარით. ანუ ეს არ არის არც სიახლე და არც რადიკალური გადახედვა მით უფრო, როდესაც ინფლაციის მაჩვენებელი და ფასების ზრდა ამ განსხვავებას პრაქტიკულად ჭამს. ამიტომ ჩემი კითხვა მდგომარეობს შემდეგში: ბატონმა ბიძინამ მოიტყუა, როდესაც თქვა, რომ რადიკალურად გადაიხედებოდა პენსიონერებისა და დევნილების შემწეობები, თუ თქვენ არ ემორჩილებით პარტიის თავმჯდომარის ამ მიმართვას და თქვენი ბიუჯეტი აცდენილია ამ მოწოდებას?,“ - განაცხადა ოთარ კახიძემ.

ალექსანდრე თვალჭრელიძე - „ქართული ოცნების“ ეკონომიკური პროგრამა გაცილებით უფრო მოკრძალებული, მაგრამ, ამავდროულად, გაცილებით უფრო რეალისტურია
გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ქართული პრესის მიმოხილვა 17.09.2020
რან გიდორი - სწრაფვა მშვიდობისკენ კორონავირუსის დასამარცხებლად
"მემარცხენე ალიანსის" ლიდერი კახა ძაგანია - "ვხსნით ჩვენს პარტიას რეგისტრაციიდან და ვუერთდებით "პატრიოტთა ალიანსს"
ირმა ინაშვილი - ჩვენთან მიმართებაში გამოცხადებულია საინფორმაციო ბლოკადა
წინანდლის მამული რიგით მეორე მუსიკალურ ფესტივალს მასპინძლობს
წინანდლის მუზეუმს შარლ დე გოლის წერილები გადაეცა