ივანე მაჭავარიანი - ინფრასტრუქტურული პროექტები ზუსტად იმიტომ არის დაგვიანებული, რომ ზედმეტად ვართ შეშინებული კორუფციული ბრალდებების გამო და ზედმეტად „ვუჭერთ“

ინფრასტრუქტურული პროექტები ზუსტად იმიტომ არის დაგვიანებული, რომ ზედმეტად ვართ შეშინებული კორუფციული ბრალდებების გამო და ზედმეტად „ვუჭერთ“, - ამის შესახებ ფინანსთა მინისტრმა, ივანე მაჭავარიანმა პარლამენტის პლენარულ სხდომაზე დეპუტატების შესაბამისი კითხვების საპასუხოდ განაცხადა.

მისივე თქმით, ინფრასტრუქტურული პროექტების დაგვიანებას რამდენიმე კომპონენტი აქვს და მათ შორის ერთ-ერთი არის ოპტიმალური დაგეგმვა.

„რაც შეეხება ინფრასტრუქტურას, ძალიან უსამართლოდ არის ამ საკითხთან დაკავშირებული კორუფციული პრეტენზიები. მე პირადად ჩავიხედე ამ პროცესში დეტალურად. ყველა მსხვილი ინფრასტრუქტურული პროექტი ფინანსდება დონორების მიერ. ამავდროულად, სრულად ხდება შესყიდვების პროცედურები, კონტროლდება და მეტად თავსებადია შესყიდვის სტანდარტებთან. პროექტები ზუსტად იმიტომ არის დაგვიანებული, რომ ჩვენ ზედმეტად ვართ შეშინებული კორუფციული ბრალდებების გამო და ზედმეტად „ვუჭერთ“. ამიტომ უფრო მეტად ფრთხილები ვართ, დაგვიანების მიზეზი ზუსტად ეს არის. ის, რომ მანდ რაღაცა ტიპის კორუფციაა, არის ერთჯერადი მოვლენა. შეუძლებელია რომელიმე თანხა სადმე წავიდეს, ეს არის მიმართული თანხა კონკრეტული პროექტისთვის. დაგვიანება ასევე იმით არის გამოწვეული, რომ ზოგ შემთხვევაში ამ დონორების მიერ დადგენილი პროცედურები მართლა ძალიან რთულია. იმდენი პროცედურაა შიგნით, რომ რიგ შემთხვევაში პრეტენდენტი ვერ უძლებს და ჩაშლილია ეს ტენდერი, ზოგ შემთხვევაში უბრალოდ ძალიან დიდი დრო მიაქვს. ინფრასტრუქტურის სამინისტრომ ისიც აღიარა, რომ ერთ-ერთი კომპონენტი იყო ასევე ოპტიმალური დაგეგმვა. ეს ვერანაირად ვერ მოახდენს გავლენას ლარის კურსზე. ჩვენ ვაკონტროლებთ დეფიციტს სრულად. შესაბამისად. მე ვერ ვხედავ ვერანაირ რისკს. პროექტების დაგვიანებაზე შეკითხვები სწორია, ხოლო კორუფციაზე შეკითხვები მეტწილად სპეკულაციებია“, - განაცხადა მაჭავარიანმა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს