2019 წლის სახელმწიფო ბიუჯეტის პროექტის განხილვა 14 ნოემბრის პლენარულ სხდომაზე გაგრძელდება. მომავალი წლის ბიუჯეტის პროექტთან დაკავშირებით შეფასებებს კომიტეტების თავმჯდომარეები გააკეთებენ. კამათი გაიმართება ფრაქციების, უმრავლესობისა და უმცირესობის ფორმატში.

ამის შემდეგ ბიუჯეტის პროექტი დეპუტატების მხრიდან გამოთქმული წინადადებებითა და შენიშვნებით კვლავ მთავრობას დაუბრუნდება, რაც 15 ნოემბრისთვის უნდა მოხდეს.

პარლამენტს სახელმწიფო ბიუჯეტის დასამტკიცებლად დრო დეკემბრის მესამე პარასკევამდე აქვს.