როცა ამ ქვეყანაში ყველაფერს ბიძინა ივანიშვილი აკონტროლებს, ბუნებრივია, რომ არც ცენტრალური საარჩევნო კომისია იქნება მისი გავლენიდან გამოსული და სამარცხვინო მოვლენა იქნება, თუ არჩევნები სამუშაო დღეს დაინიშნება, - ამის შესახებ ფრაქცია „ნაციონალური მოძრაობის“ თავმჯდომარემ, რომან გოცირიძემ განაცხადა. მისი თქმით, ხელისუფლება აპირებს არჩევნებზე ხალხი ძალით მიიყვანოს.

„დიდი ალბათობით, 28 ნოემბერს აპირებენ არჩევნების დანიშვნას. ყველაფერი ისე გათვალეს და ისე დაალაგეს, რომ დღეს გამოცხადდება შედეგები და არჩევნები დაინიშნება ოთხშაბათს, სწორედ იმის გამო, ძალით მიიყვანონ ხალხი. ეს ხალხი მიაჩნიათ არა ამომრჩევლად, არამედ მიაჩნიათ ბრბოდ, რომელთაც ჩასვამენ ავტობუსებში და ხმის მისაცემად მიიყვანენ. მაგრამ ხალხს აქვს ღირსება და მათივე მიყვანილი ხალხი მისცემს მათ წინააღმდეგ ხმას“, - განაცხადა რომან გოცირიძემ.