ნამდვილად ვერ ვხედავ პრობლემას, რომ არჩევნები უქმე დღეს არ ჩატარდეს, - ამის შესახებ პარტია „ქართული ოცნების“ გენერალურმა მდივანმა, კახა კალაძემ ჟურნალისტებს განუცხადა.

კალაძემ პრეცენდენტად 2012 წელი გაიხსენა, როდესაც მისივე თქმით, არჩევნები ორშაბათ დღეს ჩატარდა.

„ცენტრალურმა საარჩევნო კომისიამ მიიღო გადაწყვეტილება, რომელსაც კანონი ავალდებულებს. როგორც ვიცი, ცესკო-ს მიერ ხდება გადათვლა, როდესაც შემაჯამებელი ოქმი და ყველა გასაჩივრება მთავრდება და აცხადებს არჩევნების თარიღს. მე ნამდვილად ვერ ვხედავ პრობლემას, რომ არჩევნები უქმე დღეს არ ჩატარდეს. არსებობს მაგალითები და პრეცენდენტები, თუ არ ვცდები 2012 წელს არჩევნები ორშაბათ დღეს იყო. ასე რომ, არ წარმოადგენს პრობლემებს. ვისაც სურვილი აქვს არჩევნებში მიიღოს მონაწილეობა, მათ ეს არ გაუჭირდება, როგორც არ გაუჭირდათ 2012 წელს“, - განაცხადა კალაძემ.