სასტუმრო "რედისონ ბლუ ივერიაში“ 15 ნოემბერს კვლევის – "უმუშევრობის დაზღვევა ევროპაში და საქართველოს პერსპექტივა" პრეზენტაცია გაიმართება.

როგორც „ინტერპრესნიუსს“ საქართველოს პროფკავშირების გაერთიანებიდან აცნობეს, კვლევა საქართველოში ფრიდრიხ ებერტის ფონდის პარტნიორობით ჩატარდა. პრეზენტაციაზე წარმოდგენილი იქნება როგორც შედეგები, ასევე პროფკავშირების რეკომენდაციები და საკანონმდებლო ინიციატივა.

შეხვედრას საქართველოს პროფკავშირების გაერთიანების თავმჯდომარე ირაკლი პეტრიაშვილი და სამხრეთ კავკასიის ქვეყნებში ფრიდრიხ ებერტის ფონდის რეგიონალური დირექტორი ფელიქს ჰეტი გახსნიან.