ბათუმში საზაფხულო თეატრში საპრეზიდენტო კანდიდატის სალომე ზურაბიშვილის მხარდამჭერი კონცერტი მიმდინარეობს. მასში მომღერლები სალომე გოგიაშვილი, აჩი ფურცელაძე, სოფო ხალვაში, თეატრალური კვარტეტი, ნინი ქარსელაძე, „ქუჩის ბიჭები“, თემო თათარაშვილი, „შვიდკაცა“ და „ალილო“ მონაწილეობენ.

როგორც მომღერალმა სოფო ხალვაშმა აღნიშნა, სალომე ზურაბიშვილის მხარდასაჭერად მუსიკოსებმა სპეციალურად სიმღერა შექმნეს. მისივე თქმით, მხარდამჭერი კონცერტები საქართველოს მასშტაბით ყველა რეგიონში გაიმართება.

"სიმღერა სალომე ზურაბიშვილის მხარდასაჭერად გაკეთდა. ახლა კი მხარდასაჭერი კონცერტები გრძელდება და ჩვენი სიმღერით მხარდაჭერას გამოვხატავთ",- განაცხადა სოფო ხალვაშმა.

საზაფხულო თეატრში კონცერტს "ქართული ოცნების" ბათუმის ორგანიზაციის წევრები და ამომრჩევლები ესწრებიან.