დავით ზალკალიანი დანიელ კოლეგას შეხვდა

საქართველოს საგარეო საქმეთა მინისტრმა დავით ზალკაიანმა დანიის სამეფოში ვიზიტის ფარგლებში დანიის სამეფოს საგარეო საქმეთა მინისტრთან ანდრეს სამუელსენთან შეხვედრა გამართა, - ამის შესახებ „ინტერპრესნიუსს“ საგარეო საქმეთა სამინისტროდან აცნობეს.

საგარეო უწყების ინფორმაციით, მინისტრებმა შეხვედარზე ხაზი გაუსვეს საქართველოსა და დანიის წარმატებულ, გამორჩეულ ურთიერთობებს, როგორც ორმხრივ, ასევე მრავალმხრივ ფორმატებში. მათი შეფასებით, ამის გამოხატულებაა თუნდაც ის, რომ საქართველო უკრაინასთან ერთად ერთ-ერთი პრიორიტეტული ქვეყანაა, რომელიც ჩართულია დანიის სამეზობლო პროგრამაში.

"საქართველო ერთ-ერთია იმ ქვეყნებიდან, რომელიც ჩართულია დანიის სამეზობლო პროგრამაში. ამ გზით ჩვენ დახმარებას ვუწევთ საქართველოს რეფორმების განხორცელების პროცესსა და იმ სირთულეების დაძლევაში, რაც არის ზოგადად გლობალური პრობლემის ნაწილიც, იმედს ვიტოვებთ, რომ არსებული რეალობის მიუხედავად მოხერხდება მდგომარეობის დარეგულირება. განსაკუთრებით მსურს ავღნიშნო საქართველოს კონტრიბუცია ნატოს სამშვიდობო ოპერაციებში, რომელსაც ჩვენ ძალიან ვაფასებთ", -განაცხადა დანიის საგარეო საქმეთა მინისტრმა კოლეგასთან შეხვედრის დაწყებამდე.

საქრთველოს საგარეო უყების ხელმძღვანელმა მაღალი შფასება მისცა დანიის სამეფოსთან არსებულ ორმხრივ ურთიერთობებს, დანიის მნიშვნელოვან მხარდაჭერას საქართველოს ტერიტორიული მთლიანობისა და სუვერენიტეტის მიმართ და აღნიშნა დანიის განსაკუთრებული როლი ევროკავშირის სადამკვირვებლო მისიაში.

"მოახრული ვარ ვიმყოფებოდე აქ. ეს არის ჩვენი საკმაოდ დინამიური თანამშრომლობის ნაწილი, დიდი სიამოვნებით მინდა გავიხსენო თქვენი ვიზიტი საქართველოში და ის წარმატებული თანამშრომლობა, რაც გვაქს, როგორც ორმხრივ, ისე მრავალმხრივ ფორმატებში. მადლობელი ვართ დანიის კონტრიბუციისთვის ევროკავშირის სადამკვირვებლო მისიაში, რომლის ხელმძღვანელიც გახლავთ დანიელი დიპლომატი. ეს გახლავთ სამკაოდ მნიშნელოვანი საერთაშორისო მისია ადგილზე, რომელიც სერიზოულ როლს თამაშობს. იმედს ვიტოვებ, რომ ვიზიტი ხელს შეუწყობს ჩვენი თანამშრომლობის გაღრმავებას ყველა მიმართულებით, როგორც ეკონომიკურ, ასევე პოლიტიკურ საკითხებში”, - განაცხადა ზალკალიანმა.

შეხვედრაზე მინისტრებმა მიმოიხილეს საქართველოს ოკუპირებულ რეგიონებში შექმნილი მდგომარეობა. დანიურმა მხარემ შეშფოთება გამოხატა ქარელის რაიონში საოკუპაციო რეჟიმის მხრიდან მიმდინარე ხელოვნური ბარიერების აღმართვის პროცესზე და ადგილზე რუსეთის ფედერაციის ქმედებებზე. საუბარი შეეხო საქართველოს წარმატებებს ევროპული ინტეგრაციის გზაზე და ამ მიმართულებით ქვეყნის სამომავლო დღის წესრიგს. მინისტრმა ხაზი გაუსვა საქართველო-ევროკავშირის უმაღლესი დიალოგის უპრეცედენტო ფორმატს, რომლის პირველი შეხვედრაც ახლო მომავალში ბრიუსელში გაიმართება.

განსაკურებით დადებითად შეფასდა საქართველოს მნიშვნელოვანი ჩართულობა ნატო-ს სამშვიდობო ოპერაციებში. საუბარი შეეხო ევრო-ატლანტიკური ინტეგრაციის პროცესში დანიის პრაქტიკული დახმარების მნიშვნელობას და თავდაცვისა და უსაფრთხოების სფეროში წარმატებულ თანამშრომლობას.

მინისტრებმა გამოხატეს დაინტერესება ორ ქვეყანას შორის სავაჭრო-ეკონომიკური თანამშრომლობის ხელშეწყობისადმი, რისთვისაც კარგ შესაძლებლობას ქმნის ევროკავშირთან თავისუფალი სავაჭრო სივრცის შეთანხმება.

დავით ზალკალიანი დანიის სამეფოს სკანდინავიური ტურნეს ფაგლებში 13-14 ნოემბერს ეწვია.

ალექსეი მალაშენკო - სირიაში ყველაფერი ისევ ისე იქნება, როგორც აქამდე იყო,  ბაშარ ასადის შესანარჩუნებლად მოსკოვს ანკარასთან და თეირანთან კომპრომისებზე წასვლა უწევს
ქართული პრესის მიმოხილვა 19.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
საქართველოს საგარეო პოლიტიკა - ნაბიჯები მომავლისკენ
BDO-მ მე-4 კატეგორიის კომპანიების მომსახურებისთვის სპეციალური გუნდი გამოყო
რა მავნე ნივთიერებები აღმოაჩინა ჰამბურგის ლაბორატორიამ საქართველოდან გაგზავნილი თუთუნის შემადგენლობაში