ჟინვალის წყალსაცავში სატვირთო ავტომობილი და მძღოლი ჩავარდა

ჟინვალის წყალსაცავში სატვირთო ავტომობილი და მისი მძღოლი ჩავარდა. როგორც „ინტერპრესნიუსს“ საგანგებო სიტუაციების მართვის სამსახურში განუცხადეს, ადგილზე მობილიზებულნი არიან მაშველები და მყვინთავები. უწყების განმარტებით, მყვინთავები წყალში უკვე ჩავიდნენ და დაწყებულია სამაშველო ოპერაცია. წყალსაცავის სიღრმე რამდენიმე ათეული მეტრია, ადგილი სპეციფიურია, გადის გაყვანილობები და ტურბინები და არსებობს გარკვეული რისკები.

ჟინვალჰესში ჩავარდნილი მამაკაცი 60 წლამდე ასაკისაა.

მომხდარზე გამოძიება სსკ 276-ე მუხლის მე-5 ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც გამოიწვია ადამიანის სიცოცხლის მოსპობა და ისჯება თავისუფლების აღკვეთით 4-დან 7 წლამდე ან თანამდებობის დაკავებას ან საქმიანობის უფლების ჩამორთმევას ვადით 3-წლამდე.