ფონიჭალაში გაზის აფეთქების შედეგად დაშავებულები დამწვრობის ცენტრში გადაჰყავთ

ფონიჭალაში გაზის აფეთქების შედეგად დაშავებულები დამწვრობის ცენტრში გადაჰყავთ. ამის შესახებ „ინტერპრესნიუსს“ სასწრაფო სამედიცინო დახმარების ცენტრში განუცხადეს.

მათი ინფორმაციით, დაშავებულების მდგომარეობა სტაბილურია. ისინი კონტაქტური არიან. შემთხვევის შედეგად ერთი არასრულწლოვანი და ორი მოზრდილი დაშავდა.

ზემო ფონიჭალაში, სავარაუდოდ, ბუნებრივი აირის აფეთქებამ საცხოვრებელი კორპუსის მე-3 და მე-4 სართულებზე ნგრევა გამოიწვია.