ჩვენი გუნდის პოზიციაა, რომ მაქსიმალურად დაფიქსირდეს მეორე ტურის ფარგლებში კონსოლიდირებული პოზიცია, - ასე პასუხობს თავდაცვის მინისტრი ლევან იზორია ჟურნალისტების შეკითხვას, რატომ გამოჩნდა სალომე ზურაბიშვილის საარჩევნო ბილბორდები „ქართული ოცნების“ თავმჯდომარის, ბიძინა ივანიშვილის გამოსახულებით.

„ჩვენი გუნდის პოზიციაა, რომ მაქსიმალურად დაფიქსირდეს მეორე ტურის ფარგლებში კონსოლიდირებული პოზიცია იმასთან დაკავშირებით, რომ ჩვენს მოსახლეობასთან, მხარდამჭერებთან ერთად ვაგრძელებთ იმ კურსს, რასაც ჰქვია ქვეყნის დემოკრატიზაცია და ჩრდილოატლანტიკურ სივრცეში ინტეგრაცია და ამ კურსს რასაკვირველია, მაქსიმალურად, ჩვენს მხარდამჭერებთან ერთად გამარჯვებით კიდევ ერთხელ განვამტკიცებთ,“ - განაცხადა ლევან იზორიამ.