16 ნოემბერს, ეროვნული ბიბლიოთეკის საგამოფენო დარბაზში გოდერძი ჩოხელის სახელობის ლიტერატურული კონკურსის - „ერთგულების" გამარჯვებულების დაჯილდოების ცერემონია გაიმართება.

როგორც „ინტერპრესნიუსს“ ეროვნული ბიბლიოთეკიდან აცნობეს, ღონისძიების მხარდამჭერია საქართველოს პარლამენტის ეროვნული ბიბლიოთეკა.

აღსანიშნავია, რომ „ფონდი-კულტურათა დიალოგი“, საქართველოს განათლების, მეცნიერების, კულტურისა და სპორტის სამინისტროს პატრონაჟით, 2014 წლიდან ყოველწლიურად ატარებს გოდერძი ჩოხელის სახელობის ლიტერატურულ კონკურსს (მინიატურის ჟანრში) -" ერთგულება".

კონკურსი გამოავლენს 9 საუკეთესო ნამუშევარს, აქედან 3 მთავარი პრიზიორია, ხოლო 6 მათგანს გადაეცემა დიპლომები.

პრიზიორები დაჯილდოვდებიან განათლების, მეცნიერების, კულტურისა და სპორტის სამინისტროს მიერ დაწესებული ფულადი პრემიით.