რუსეთის პრეზიდენტმა ვლადიმერ პუტინმა განაცხადა, რომ მზად არის აშშ-ს პრეზიდენტ დონალდ ტრამპს „დიდი ოცეულის“ სამიტზე შეხვდეს.

„ჩვენ მზად ვიყავით პარიზში გაგვემართა შეხვედრა, თუმცა უკვე ვისაუბრეთ ამაზე, რომ არ გვსურდა ხელი შეგვეშალა ასეთი გრანდიოზული ღონისძიებისთვის, რომელიც საფრანგეთის მთავრობამ და პრეზიდენტმა მოაწყვეს. ეს მართლაც დიდი ღონისძიება იყო, იქ სახელმწიფოსა და მთავრობის 90-მდე მეთაური იყო. რთული იყო სრულფასოვანი სამუშაოს ორგანიზება. შევთანხმდით, რომ ბუენოს-აირესში შევხვდებით, თუ გამოვა. ჩემი მხრიდან მე მზად ვარ ამისთვის“, - განაცხადა ვლადიმერ პუტინმა სინგაპურში ვიზიტის ფარგლებში გამართულ პრესკონფერენციაზე.

შეგახსენებთ, რომ „დიდი ოცეულის“ (G-20) სამიტი არგენტინაში ბუენოს-აირესში 30 ნოემბრიდან 1-ელი დეკემბრის ჩათვლით გაიმართება.