მიხეილ ბატიაშვილმა ქუთაისის უნივერსიტეტის სტუდენტებსა და ლექტორებს განათლების რეფორმის ძირითადი მიმართულებები გააცნო

საქართველოს განათლების, მეცნიერების, კულტურისა და სპორტის მინისტრი, მიხეილ ბატიაშვილი ქუთაისის აკაკი წერეთლის სახელობის სახელმწიფო უნივერსიტეტს ეწვია, მიმდინარე სასწავლო პროგრამებს გაეცნო და სტუდენტებს და პროფესორ-მასწავლებლებს შეხვდა.

როგორც „ინტერპრესნიუსს“ სამინისტროდან აცნობეს, მინისტრმა მათ განათლებისა და მეცნიერების რეფორმის ფარგლებში მიმდინარე და დაგეგმილი სიახლეები გააცნო.

„სამინისტრო აქტიურად მუშაობს უმაღლესი განათლების ისეთი მოდელის შექმნაზე, რომელიც უმაღლესი განათლების პროგრამებს შრომის ბაზრის მოთხოვნებთან ეფექტიანად დააკავშირებს, ამოქმედდება უმაღლესი განათლების დაფინანსების ახალი მოდელი და ისეთი მიმართულებებისა და სპეციალობების გაძლიერებაზე იქნება ორიენტირებული, რომელიც ქვეყნის განვითარების საჭიროებებთან და ეკონომიკის განვითარებასთან არის დაკავშირებული“, - აცხადებენ სამინისტროში.

ალექსანდრე თვალჭრელიძე - საქართველოსთვის ნატოსთან ინტეგრაციის ლოდინი იქამდე, ვიდრე საქართველო გამთლიანდება, ჩვენი სასიცოცხლო ინტერესების ღალატია
ქართული პრესის მიმოხილვა 17.09.2019
საქართველოს მოქალაქეები შეძლებენ უფასოდ გაიარონ კონსულტაცია უცხოელ ექიმებთან