თბილისში თურქეთის საქმიანი წრეების ვიზიტის ფარგლებში, ბიზნეს-ფორუმი გაიმართა

საქართველოს სავაჭრო-სამრეწველო პალატის ინფორმაციით, თბილისს თურქეთის საგარეო ეკონომიკური ურთიერთობების საბჭოს (DEİK) დელეგაცია ეწვია.

მათივე ცნობით, საქართველოს სავაჭრო-სამრეწველო პალატის ორგანიზებით, ვიზიტის მიმდინარეობისას გაიმართა ბიზნეს-ფორუმი, რომლის ფარგლებშიც დელეგატებს საშუალება ჰქონდათ კონკრეტულ სექტორებში საქართველოს საინვესტიციო პოტენციალს გაცნობოდნენ და ეწარმოებინათ საქმიანი მოლაპარაკებები ადგილობრივ ბიზნეს-წრეებთან. DEİK-ის დელეგაციის წევრი 20-მდე კომპანია ძირითადად, მშენებლობის, ენერგეტიკის, ავეჯის წარმოების, ფარმაცევტიკისა და მსუბუქი მრეწველობის სექტორებს წარმოადგენდა.

ბიზნეს-ფორუმი საქართველოს სავაჭრო-სამრეწველო პალატის პრეზიდენტმა ნინო ჩიქოვანმა, თურქეთის საგანგებო და სრულუფლებიანმა ელჩმა საქართველოში ფატმა სერენ იაზგანმა და თურქეთ-საქართველოს ბიზნეს-საბჭოს თავმჯდომარის მოადგილემ სერდარ უნსალიმ გახსნეს.

„აღნიშნული საბჭო მხარეებს შორის უფრო ეფექტიანი თანამშრომლობის მიზნით, საქართველოს სავაჭრო-სამრეწველო პალატასა და თურქეთის საგარეო ეკონომიკური ურთიერთობების საბჭოს შორის შეიქმნა. პალატა თურქეთის საგარეო ეკონომიკური ურთიერთობების საბჭოსთან (DEİK) უკვე რაიმდენიმე წელია აქტიურად თანამშრომლობს.

ფორუმის პირველ ნაწილში ქართულმა მხარემ დელეგაციის წევრებისთვის პრეზენტაციები წარადგინეს. მათ შორის, სააგენტოს „აწარმოე საქართველოში“ დირექტორმა მიხეილ ხიდურელმა ქვეყნის საინვესტიციო პოტენციალის შესახებ გააკეთა პრეზენტაცია. გაიმართა ასევე ქუთაისის თავისუფალი ინდუსტრიული ზონისა და ხელოსნების ქალაქის პრეზენტაციები, რომლებიც ავეჯის წარმოების მიმართულებას შეეხება.

ღონისძიების მიზანი საქართველოსა და თურქეთის ბიზნეს-წრეებს შორის კონტაქტების დამყარების გზით, ქვეყნებს შორის ეკონომიკური თანამშრომლობისა და ვაჭრობის გაღრმავების ხელშეწყობა იყო“, - ნათქვამია ინფორმაციაში.

სავაჭრო-სამრეწველო პალატის ცნობით, ფორუმის ფარგლებში გაიმართა ბიზნესის ორმხრივი შეხვედრები ქართულ და თურქულ კომპანიებს შორის.

პაატა ზაქარეიშვილი - რუსეთი ცხინვალის რეგიონში აქტიურობით ცდილობს აიძულოს საქართველო რაღაც ფორმით გადავიდეს მოსკოვთან დიალოგის ფორმატზე
ქართული პრესის მიმოხილვა 13.09.2019
მეთიუ ბრაიზა - დიდი პრობლემაა, რომ დონალდ ტრამპი ხშირად არც კი უსმენს მის მთავარ მრჩევლებს, რომლებიც ამბობენ - „ყურადღება მიაქციეთ საქართველოს“
დენიელ ფრიდი - ამერიკა არც „პროსააკაშვილურია“ და არც „პროივანიშვილური“, ჩვენ საქართველოს მხარეს ვართ
ტექნიკის უდიდესი გამოფენა ევროპაში, სახელწოდებით IFA 2019, ბერლინში დასრულდა
პუტინს ცემახი უსათუოდ სჭირდება (R)
ვანო ჩხარტიშვილი - მამუკა ხაზარაძე ურცხვად ტყუის
სუპერმარკეტების ქსელი „მაგნიტი“ გრანდიოზულ წამახალისებელ გათამაშებას იწყებს
გალფი ტურისტული ზონების დასუფთავების მასშტაბურ აქციას იწყებს
გალფი ტურისტული ზონების დასუფთავების მასშტაბურ აქციას იწყებს