დიდი ბრიტანეთის კონსერვატიული პარტიის დეპუტატებმა პრემიერმინისტრ ტერეზა მეისთვის უნდობლობის ვოტუმის გამოსაცხადებლად ხელმოწერების შეგროვება დაიწყეს. ამის შესახებ „ბი-ბი-სი“ იუწყება.

ვოტუმისთვის მინიმუმ 48 დეპუტატის ხელმოწერაა შესაგროვებელი. პრემიერისთვის უნდობლობის შესახებ ხმის მიცემა პარტიის შიგნით დეპუტატებს წელიწადში მხოლოდ ერთხელ შეუძლიათ.

კონსერვატორების ნაწილი უკმაყოფილოა დიდი ბრიტანეთის ევროკავშირიდან გამოსვლის შესახებ შეთანხმების პროექტით, რომლის ტექსტიც ქვეყნის მთავრობამ გუშინ დაამტკიცა.