საქართველოს მთავრობას ფრანგი კარტოგრაფის გილიომ დელილის მიერ მე-18 საუკუნეში შესრულებული კავკასიის რუკა გადაეცა

საქართველოს მთავრობას ფრანგი კარტოგრაფის გილიომ დელილის მიერ მე-18 საუკუნეში შესრულებული კავკასიის რუკა გადაეცა. პოლონეთში, საქართველოს საელჩოში ღონისძიება გაიმართა, რომლის ფარგლებშიც ქართულ მხარეს გადაეცა ოფიცერი გიორგი ცერცვაძე-ვარდისიანის ოჯახის საკუთრებაში არსებული, ფრანგი კარტოგრაფის, გილიომ დელილის მიერ მე-18 საუკუნეში შესრულებული კასპიის ზღვის მიმდებარე ქვეყნების რუკა, - ამის შესახებ „ინტერპრესნიუსს“ საგარეო საქმეთა სამინისტროდან აცნობეს.

მათივე ინფორმაციით, აღსანიშნავია, რომ ამ რუკის ასლი საქართველოს ეროვნულ არქივში ინახება.

არსებული ინფორმაციით, დოკუმენტი წარმოადგენს იმ დროისთვის კავკასიის ყველაზე სრულყოფილი რუკის ორიგინალს, რომელიც 1713-1716 წლებში, ლუდოვიკო XIV-ის კარზე სტუმრობისას, სულხან-საბა ორბელიანის მიერ მიწოდებული ინფორმაციით არის შედგენილი.

ღონისძიებას, რომლის ფარგლებშიც, ლიდია შუბერტ-ვარდისიანმა, მისი მეუღლის სახელით, რუკა პოლონეთის რესპუბლიკაში საქართველოს ელჩს ილია დარჩიაშვილს გადასცა, ესწრებოდნენ გიორგი ცერცვაძე-ვარდისიანის ოჯახის წევრები, პოლონეთში ქართული დიასპორის და საქართველოს საელჩოს წარმომადგენლები.

ალექსეი მალაშენკო - სირიაში ყველაფერი ისევ ისე იქნება, როგორც აქამდე იყო,  ბაშარ ასადის შესანარჩუნებლად მოსკოვს ანკარასთან და თეირანთან კომპრომისებზე წასვლა უწევს
ქართული პრესის მიმოხილვა 19.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
საქართველოს საგარეო პოლიტიკა - ნაბიჯები მომავლისკენ
BDO-მ მე-4 კატეგორიის კომპანიების მომსახურებისთვის სპეციალური გუნდი გამოყო
რა მავნე ნივთიერებები აღმოაჩინა ჰამბურგის ლაბორატორიამ საქართველოდან გაგზავნილი თუთუნის შემადგენლობაში