საპრეზიდენტო არჩევნების მეორე ტურის ჩატარებისთვის სახელმწიფო 10 მილიონ ლარზე მეტს გამოყოფს

საპრეზიდენტო არჩევნების მეორე ტურის ჩატარებისთვის სახელმწიფოს მიერ 10 583 022 ლარი გამოიყოფა, - „ბიზნესპრესნიუსის“ ინფორმაციით, ამის შესახებ ცენტრალური საარჩევნო კომისიის დადგენილებაშია აღნიშნული. მათივე ინფორმაციით, აქედან 10 034 572 ლარი არჩევნების ჩატარებას მოხმარდება. არჩევნებისთვის მოხელეთა გადამზადებისთვის 167,000 ლარი დაიხარჯება. ამასთან, დადგენილების თანახმად, საარჩევნო სუბიექტების წარმომადგენელთა დაფინანსებისთვის 381,450 ლარია გათვალისწინებული.

ცნობისთვის, საპრეზიდენტო არჩევნების 1-ელი ტურის ჩატარებისთვის სახელმწიფოს მიერ 42 667 518 ლარი იყო გამოყოფილი. აქედან 32 127 177 ლარი არჩევნების ჩატარებაზე; 1 190 617 ლარი არჩევნებისთვის მოხელეთა გადამზადებაზე; 2 111 674 მილიონი ლარი საარჩევნო სუბიექტების სატელევიზიო რეკლამის განთავსებაზე იყო გათვალისწინებული. ამასთან, 10 აგვისტოს დადგენილების თანახმად, საარჩევნო სუბიექტების წარმომადგენელთა დაფინანსებისთვის 7 238 050 ლარი უნდა დახარჯულიყო.

შეგახსენებთ, საპრეზიდენტო არჩევნების მეორე ტური 28 ნოემბერს არის დანიშნული.

ალექსანდრე თვალჭრელიძე - საქართველოსთვის ნატოსთან ინტეგრაციის ლოდინი იქამდე, ვიდრე საქართველო გამთლიანდება, ჩვენი სასიცოცხლო ინტერესების ღალატია
ქართული პრესის მიმოხილვა 18.09.2019
საქართველოს საგარეო პოლიტიკა - ნაბიჯები მომავლისკენ
საქართველოს მოქალაქეები შეძლებენ უფასოდ გაიარონ კონსულტაცია უცხოელ ექიმებთან