ინდოეთში, ტამილნადუს შტატში ციკლონი „გაჯას“ შედეგად, 11 ადამიანი დაიღუპა და 76 000 ადამიანის ევაკუირება მოხდა.
ამის შესახებ ადგილობრივი გამოცემა India Today იუწყება.
ძლიერი ქარი და წვიმა ხუთშაბათს დაიწყო, რის შედეგადაც ციკლონი გაძლიერდა. შტატის რიგ ქალაქებში მოსახლეობას ელექტროენერგიის მიწოდება შეუწყდა, დაზიანებულია ინფრასტრუქტურა.
სტიქიის შედეგების აღმოფხვრის მიზნით ინდოეთის ხელისუფლებამ სტიქიურ უბედურებაზე სწრაფი რეაგირების ეროვნული ძალების ბრიგადები და მაშველები გააგზავნა ტამილნადუს შტატში.