ხორავას ქუჩაზე მომხდარი მკვლელობის საქმესთან დაკავშირებით, დანაშაულის დაფარვისთვის ბრალდებულთა სასამართლო სხდომა 19 დეკემბრისთვის გადაიდო. როგორც ერთ-ერთი ბრალდებულის ადვოკატმა, მერაბ მამულაძემ განაცხადა, დღეს ჩანიშნული სხდომის გადადების მიზეზი პროკურორის ჯანმრთელობის მდგომარეობაა.

„საქმის არსებითი განხილვა იგეგმებოდა დღეს, თუმცა, საქმის პროკურორს შეექმნა ჯანმრთელობის პრობლემა. სასამართლომ ეს შუამდგომლობა გაითვალისწინა, როგორც სხდომაზე არ დასწრების საპატიო მიზეზი და სხდომა 19 დეკემბრისთვის გადადო", - განაცხადა მერაბ მამულაძემ.

ხორავას ქუჩაზე მომხდარი მკვლელობის საქმესთან დაკავშირებით, დანაშაულის დაფარვის ბრალდებით პროკურატურამ პასუხისგებაში 5 პირი მისცა: მიხეილ კალანდია, ლუკა კალანდია და თენგიზ კალანდია, ასევე შაბურიშვილი და წინწკალაძე.