ჟინვალის წყალსაცავიდან ორდღიანი სამაშველო ღონისძიებების შემდეგ მაშველებმა მამაკაცის ცხედარი ამოასვენეს

ჟინვალის წყალსაცავიდან ორდღიანი სამაშველო ღონისძიებების შემდეგ მაშველებმა 1965 წელს დაბადებული მამაკაცის ცხედარი ამოასვენეს. ამის შესახებ ინფორმაციას საგანგებო სიტუაციების მართვის სამსახური ავრცელებს.

შემთხვევა 14 ნოემბერს, საღამოს მოხდა. სატვირთო ავტომანქანა წყალსაცავში გადავარდა. სამძებრო სამუშაოების შედეგად მოიკვლიეს ცხედრის ადგილმდებარეობა, თუმცა როგორც საგანგებო სიტუაციების მართვის სამსახურში განმარტავენ, განსაკუთრებულად რთული პირობების გამო საჭირო გახდა წყლის ქვეშ დამატებითი სამუშაოების ჩატარება. ღონისძიებაში ჩართული იყო საგანგებო სიტუაციების მართვის სამსახურის 16 მაშველი და 3 მყვინთავი.