მამუკა ბახტაძე „ჰაიდელბერგცემენტის” ქარხნის მოდერნიზაციის პროექტს გაეცნო

პრემიერ-მინისტრი მამუკა ბახტაძე კასპში, „ჰაიდელბერგცემენტის” ქარხნის მოდერნიზაციის პროექტს გაეცნო.

როგორც „ინტერპრესნიუსს“ პრემიერის პრესსამსახურიდან აცნობეს, მთავრობის მეთაურმა კომპანიის ხელმძღვანელობასთან ერთად, ქარხნის მართვის ცენტრი დაათვალიერა და ახალი საწარმოო ხაზის მშენებლობის პროცესით დაინტერესდა.

ორგანიზაციის მენეჯმენტის ინფორმაციით, ქარხნის მოდერნიზაციის პროექტი უახლესი ტექნოლოგიებით კლინკერის წარმოების მშრალი ხაზის მშენებლობას გულისხობს, რაც, მნიშვნელოვნად შეამცირებს საწარმოო ხარჯებს და გაზრდის ენერგოეფექტურობას.

„ამასთან, პროექტი ევროპული სტანდარტის ფილტრების და ემისიების მუდმივი მონიტორინგის აპარატურის დამონტაჟებასაც ითვალისწინებს, რომლის მეშვეობით მტვრისა და გამონაბოლქვის რაოდენობა გაკონტროლდება.

კასპის “ჰაიდელბერგცემენტის” ქარხნის მოდერნიზაციის პროექტი, რომლის საინვესტიციო ღირებულება 100 მილიონი აშშ დოლარია, 2019 წლის გაზაფხულზე დასრულდება“, - განმარტავენ პრემიერის პრესსამსახურში.

ალექსანდრე თვალჭრელიძე - საქართველოსთვის ნატოსთან ინტეგრაციის ლოდინი იქამდე, ვიდრე საქართველო გამთლიანდება, ჩვენი სასიცოცხლო ინტერესების ღალატია
ქართული პრესის მიმოხილვა 17.09.2019
საქართველოს მოქალაქეები შეძლებენ უფასოდ გაიარონ კონსულტაცია უცხოელ ექიმებთან