ხელოვნური ბარიერებით „ქართული ოცნება“ ვერ შეძლებს ხელისუფლების შენარჩუნებას, - ამის შესახებ „ევროპული საქართველოს“ წევრმა ირაკლი აბესაძემ საქალაქო სასამართლოში განაცხადა.
შეგახსენებთ, პარტია არჩევნების თარიღის სამუშაო დღეს დანიშვნასთან დაკავშირებით ცესკო-ს გადაწყვეტილებას სასამართლოში ასაჩივრებს.
„ცენტრალურმა საარჩევნო კომისიამ ცალსახად ამომრჩევლის ინტერესების საწინააღმდეგოდ უხეშად დაარღვია საარჩევნო კანონმდებლობა. ის ვალდებული იყო და შეეძლო არჩევნები დაენიშნა კვირა დღეს. ამის ნაცვლად საპრეზიდენტო არჩევნები სამუშაო დღეს დანიშნა. ეს მნიშვნელოვან შეფერხებას შეუქმნის საზღვარგარეთ მცხოვრებ ქართველებს.
პოლიტიკური დაკვეთის შესრულება ცესკო-ს მხრიდან არის ცალსახად კანონსაწინააღმდეგო გადაწყვეტილება“, - განაცხადა ირაკლი აბესაძემ.
როგორც ცნობილია, საპრეზიდენტო არჩევნების მეორე ტური 28 ნოემბერს, ოთხშაბათს დაინიშნა.