თეიმურაზ გორჯესტანი - მუქარის მიუხედავად გადავწყვიტე, ჩამოვსულიყავი თბილისში, რომ როგორც ქართველმა კაცმა, დედაჩემი დავიცვა

გადავწყვიტე, ჩამოვსულიყავი თბილისში, რადგან ეს არის ჩემი მოვალეობა, როგორც შვილი და როგორც ქართველი კაცი, ვიყო დედაჩემთან და დავიცვა, - ამის შესახებ საქართველოს პრეზიდენტობის დამოუკიდებელი კანდიდატის, სალომე ზურაბიშვილის ვაჟი თეიმურაზ გორჯესტანი „ფეისბუქში“ გავრცელებულ ვიდეომიმართვაში ამბობს.

მისი თქმით, გასულ კვირას, მან, დედამისმა და მისმა დამ სიცოცხლის მოსპობის მუქარა მიიღეს, თუმცა ამ მუქარის მიუხედავად და კიდევ უფრო ამ მუქარის გამო გადაწყვიტა ჩამოსულიყო თბილისში, რომ დაიცვას დედა.

„ეს არის ჩემი გაგება, თუ რა არის საქართველო. ჩემთვის საქართველო არის ქალის პატივისცემა და ვაჟკაცურად მოქცევა. ამის გამო, არჩევნებამდე ვიქნები და არჩევნებამდე დავრჩები, რადგან ეს არ არის ნორმალური არჩევანი, ეს არის ბრძოლა. ეს არის ბრძოლა, რომ ის საბჭოთა წარსული არ დაბრუნდეს. ეს არის ჩვენი ბრძოლა, რომ მომავალი, ევროპის მომავალი ავირჩიოთ და ჩვენ ერთად, თქვენთან ერთად, საქართველოს მოსახლეობასთან ვიქნებით და თავისუფლად, ერთად დავიცავთ ჩვენს თავისუფლებას და საქართველო გაიმარჯვებს“, - აცხადებს ვიდეომიმართვაში თეიმურაზ გორჯესტანი.

იხილეთ ვიდეო: ამ მუქარის გამო ჩამოვედი თბილისში... ეს არის ჩემი მოვალეობა, როგორც ქართველი კაცი ვიყო დედაჩემთან და ის დავიცვა - სალომე ზურაბიშვილის ვაჟის ვიდეომიმართვა

ალექსეი მალაშენკო - სირიაში ყველაფერი ისევ ისე იქნება, როგორც აქამდე იყო,  ბაშარ ასადის შესანარჩუნებლად მოსკოვს ანკარასთან და თეირანთან კომპრომისებზე წასვლა უწევს
ქართული პრესის მიმოხილვა 19.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
საქართველოს საგარეო პოლიტიკა - ნაბიჯები მომავლისკენ
BDO-მ მე-4 კატეგორიის კომპანიების მომსახურებისთვის სპეციალური გუნდი გამოყო
რა მავნე ნივთიერებები აღმოაჩინა ჰამბურგის ლაბორატორიამ საქართველოდან გაგზავნილი თუთუნის შემადგენლობაში