ისრაელის თავდაცვის მინისტრის მოვალეობა პრემიერმინისტრმა შეითავსა

ისრაელის თავდაცვის მინისტრის თანამდებობიდან ავიგდორ ლიბერმანის გადადგომის შემდეგ, ქვეყნის პრემიერმინისტრმა ბენიამინ ნეთანიაჰუმ მინისტრის მოვალეობის შესრულება თავად გადაწყვიტა. ამის შესახებ „როიტერი“ მმართველი პარტიის სპიკერზე დაყრდნობით იუწყება.

მანამდე არსებული ინფორმაციით, ნეთანიაჰუ კოალიციაში თავის ძირითად პარტნიორს ნაფთალ ბენეტს შეხვდა, რომელმაც პრემიერს თავდაცვის მინისტრის თანამდებობაზე საკუთარი კანდიდატურა შესთავაზა, მაგრამ მათ შორის შეთანხმება ვერ შედგა.

14 ნოემბერს ისრაელის თავდაცვის მინისტრმა ავიგდორ ლიბერმანმა პროტესტის ნიშნად დაჯგუფება „ჰამასთან“ ზავის გამო თანამდებობა დატოვა. ლიბერმანმა ცეცხლის შეწყვეტის შესახებ შეთანხმებას ტერორის წინააღმდეგ კაპიტულაცია უწოდა.