საფრანგეთის მასშტაბით საწვავის ფასის ზრდასთან დაკავშირებით საპროტესტო აქციები მიმდინარეობს.
საპროტესტო მოძრაობა „ყვითელი ჟილეტები“ სოციალურ ქსელებში შეიქმნა.
ქვეყნის მასშტაბით ავტომაგისტრალების ბლოკირებაა დაგეგმილი.
აღსანიშნავია, რომ საფრანგეთში ერთი წლის განმავლობაში ბენზინის ფასი 10-15%-ით გაიზარდა, ხოლო დიზელი კი 24%-ით. 1 ლიტრი საწვავის ფასი ხშირად 1,6-1,7 ევროს აღემატება.
აღნიშნულთან დაკავშირებით საფრანგეთის პრეზიდენტმა ემანუელ მაკრონმა განაცხადა, რომ საწვავის ფასი 70%-ით ნავთობზე მსოფლიო ფასებითაა განპირობებული.
„ყვითელი ჟილეტების“ მოძრაობა საფრანგეთის მთავრობისგან ასევე მოითხოვს საწვავზე გადასახადების შემცირებას.
საფრანგეთის შს მინისტრმა საპროტესტო აქციებთან დაკავშირებით აღნიშნა, რომ არ დაუშვებს ავტომაგისტრალების ბლოკირებას.