საფრანგეთში საწვავის ფასების ზრდის საწინააღმდეგო აქციაზე ერთი ადამიანი დაიღუპა. ამის შესახებ ინფორმაციას ფრანგული მედია ავრცელებს.

ინციდენტი სავოიაში მოხდა. ერთ-ერთი ავტომობილის მძღოლი საპროტესტო აქციის მონაწილეების მიერ ბლოკირებულ გზაზე გავლას ცდილობდა, როდესაც მას აქციის მონაწილეები წინ აღუდგნენ. მძღოლის განცხადებით, მას ბავშვი მიჰყავდა ექიმთან და შექმნილი სიტუაციის გამო დაიბნა, მოძრაობა გააგრძელა, რის შედეგადაც აქციის ერთ-ერთი მონაწილე სასიკვდილოდ დაშავდა. ქალი მძღოლი პოლიციელებმა დააკავეს.

შეგახსენებთ, რომ საფრანგეთის მასშტაბით საწვავის ფასის ზრდასთან დაკავშირებით საპროტესტო აქციები მიმდინარეობს.

საპროტესტო მოძრაობა „ყვითელი ჟილეტები“ სოციალურ ქსელებში შეიქმნა. ქვეყნის მასშტაბით ავტომაგისტრალების ბლოკირებაა დაგეგმილი.