პარტია „ქათული ოცნება - დემოკრატიული საქართველოს „თავმჯდომარე ბიძინა ივანიშვილი ოპოზიციის მოთხოვნას ვადამდელი საპარლამენტო არჩევნების ჩატარების შესახებ, არალეგიტიმურს უწოდებს. მანვე არჩევნების შესაძლო გაყალბებაზეც ისაუბრა და განაცხადა, რომ „ხელს მოაჭრის“ ვისაც ამის მცდელობა ექნება.

„რა თქმა უნდა, არალეგიტიმურია. ამ არჩევნებზეც ზოგი ჭირი მარგებელიაო და ისევ ჩვენმა საზოგადოებამ ივაჟკაცა. ის გაფრთხილება, ის ცივი შხაპი, რაც მისცა „ქართულ ოცნებას“ საზოგადოებამ, ამან დიდი პოზიტივი აჩვენა ყველაზე სკეპტიკურ ევროპელსაც კი, რომ საქართველოში არჩევნები არ ყალბდება. რაც ჩვენ მოვედით ხელისუფლებაში, გაყალბების მცდელობაც კი არ ყოფილა. მე პირადად, ნათქვამი მაქვს, რომ ხელს მოვაჭრი თუ ვინმე გაბედავს გაყალბებას. დღეს არავის უჩნდება კითხვა, რომ 1%-თაც რომ მოიგოს „ქართულმა ოცნებამ“, ეს იქნება ჭეშმარიტი მოგება“, - განაცხადა ივანიშვილმა.

იხილეთ ვიდეო: ხელს მოვაჭრი, თუ ვინმე გაბედავს გაყალბებას - ბიძინა ივანიშვილი