არ ვაპირებ, რომ საგარეო საქმეთა მინისტრის ან პრემიერის დუბლირება მოვახდინო, ან დავიწყო ჭიდაობა, ვინ უნდა იყოს დელეგაციაში, - ამის შესახებ მმართველი გუნდის მხარდაჭერილმა პრეზიდენტობის კანდიდატმა სალომე ზურაბიშვილმა სტუდენტებთან შეხვედრისას განაცხადა.
სტუდენტები დაინტერესდნენ, როგორ წარმოუდგენია პრეზიდენტობის კანდიდატს საქართველოს როლი საერთაშორისო არენაზე. სალომე ზურაბიშვილის განცხადებით, საჭიროა საქართველომ ყველაფერი გააკეთოს საერთაშორისო არენაზე.
„არ ვაპირებ, რომ საგარეო საქმეთა მინისტრის ან პრემიერის დუბლირება მოვახდინო, ან დავიწყო ჭიდაობა, ვინ უნდა იყოს დელეგაციაში. მე ვიცი, რომ არის დიდი არეალი. ამ ქვეყანას სჭირდება ყველასთან სიღრმეში შესვლა მოლარაკებების პროცესში. ჩვენ ბევრად მეტი უნდა მოვითხოვოთ ევროკავშირისგან და ნატო-სგან. ჩვენ უნდა ვითამაშოთ უფრო აქტიური როლი, რასაც არ ვაკეთებთ. უნდა გავაძლიეროთ ჩვენი როლი, რომელიც რთულ რეგიონში გვაქვს, როგორც სტაბილურობისა და დემოკრატიულობის კუნძული“, - განაცხადა სალომე ზურაბიშვილმა.