ბრიტანეთის ელჩი - საქართველოს რეპუტაციის დაზიანებით დამდგარი შედეგების დათვლა რთული იქნება - მოვუწოდებ ყველას, გაუფრთხილდეს ამ რეპუტაციას
საპრეზიდენტო არჩევნების მეორე ტურს საქართველოში დიდი ბრიტანეთის, აშშ-ის და ჰოლანდიის საელჩოები დააკვირდებიან. ამის შესახებ დიდი ბრიტანეთის ელჩი საქართველოში, ჯასთინ მაქენზი სმითი აცხადებს.
„დიდი ბრიტანეთის, აშშ-ს და ჰოლანდიის საელჩოები დააკვირდებიან საპრეზიდენტო არჩევნების მეორე ტურს.
საქართველოს, როგორც დემოკრატიული სახელმწიფოს რეპუტაცია, მისი ყველაზე ღირებული მონაპოვარია. მოვუწოდებ ყველა მხარეს, გაუფრთხილდნენ ამას. გრძელვადიან პერსპექტივაში, ამ რეპუტაციის დაზიანებით დამდგარი შედეგების დათვლა რთული იქნება” , - წერს ელჩი ტვიტერში.
