თაიგული საქართველოს პრეზიდენტისთვის მიმაქვს, „რუსთავი 2“-ს და „ნაციონალურ მოძრაობას“ გული რომ არ დაწყდეს, „ვენოკი“ მაქვს შეკვეთილი, - ამის შესახებ რეჟისორმა გოგა ხაინდრავამ, საპრეზიდენტო კანდიდატის სალომე ზურაბიშვილის შტაბში განაცხადა, სადაც ის ეგზიტპოლების გამოცხადების შემდეგ ყვავილებით მივიდა.
„ვერასდროს ჩეკისტები საქართველოში ვეღარ გაიმარჯვებენ, ვერასდროს დაბრუნდება საბჭოთა კავშირი საქართველოში. ეს თაიგული საქართველოს პრეზიდენტისთვის მიმაქვს. „რუსთავი 2“-ს და „ნაციონალურ მოძრაობას“ გული რომ არ დაწყდეს თქვენთვის „ვენოკი“ მაქვს შეკვეთილი. „კურიერია“ ირაკლი ოქრუაშვილი და ის მოგიტანთ ადგილზე“, - განაცხადა ხაინდრავამ, რომელმაც სალომე ზურაბიშვილს გვირილების თაიგული მიართვა.
გოგა ხაინდრავამ სალომე ზურაბიშვილს თაიგული არჩევნების პირველი ტურის შემდეგაც მიართვა.