საქართველოს პარლამენტის ეროვნულ ბიბლიოთეკას ცნობილი ბელგიელი მწერალი ერიკ-ემანუელ შმიტი ესტუმრა. ინფორმაციას ამის შესახებ ეროვნული ბიბლიოთეკა ავრცელებს.

სტუმარმა ეროვნული ბიბლიოთეკის წიგნის მუზეუმი დაათვალიერა. პირველი ქართული ნაბეჭდი წიგნების ისტორიას, ასევე უძველეს ფრანგულ გამოცემებს, მინიატიურულ წიგნებს გაეცნო.

მწერალმა ეროვნული ბიბლიოთეკის შთაბეჭდილებათა წიგნში ჩანაწერი გააკეთა და მის ერთ-ერთ გამოცემაზე ავტოგრაფიც დატოვა. გამოცემა შმიტის ავტოგრაფით ეროვნული ბიბლიოთეკის იშვიათ გამოცემათა ფონდში დაიდებს ბინას.