სერგო რატიანი - ხელისუფლების მანდატი სრულიად არაადეკვატურია და აუცილებელია ვადამდელი საპარლამენტო არჩევნები

ხელისუფლების მანდატი სრულიად არაადეკვატურია და აუცილებელია ვადამდელი საპარლამენტო არჩევნები, - ამის შესახებ „ევროპული საქართველოს“ წევრმა სერგო რატიანმა განაცხადა.

მისი თქმით, საზოგადოებამ საპრეზიდენტო არჩევნების დროს გამოხატა, რომ უკმაყოფილოა ხელისუფლებით და ის მანდატი, რაც მას აქვს, არის სრულიად არაადეკვატური.

„მათ წინააღმდეგაა ამდენი ადამიანი, ვინც გამოხატა თავისი ნება. ხელისუფლებას აქვს მაღალი უნდობლობა, აუცილებელია ცვლილებები და ვადამდელი არჩევნები. ოღონდ აშკარაა, რომ მანამდე ჯერ შესაცვლელია საარჩევნო კოდექსი და უნდა გადავიდეთ პროპორციულ სისტემაზე, რათა არჩევნები იყოს სამართლიანი და ყოველ ჯერზე ისევ არ დაიწეროს, რომ ეს იყო უსამართლობა”, - აღნიშნა რატიანმა.

ამასთან, პარტიის წევრის თქმით, საპრეზიდენტო არჩევნებზე დემოკრატიული პროცესი ეჭვქვეშ დადგა.

„არჩევნების ლეგიტიმაცია ეჭვქვეშ დააყენეს არა მარტო საქართველოში არსებულმა არასამთავრობო ორგანიზაციებმა, არამედ საერთაშორისო ორგანიზაციებმა, მათ თქვეს, რომ ეს იყო უსამართლო არჩევნები, მეტი რა უნდა თქვან?" - განაცხადა რატიანმა.

მისივე თქმით, ოპოზიციის მოთხოვნასთან დაკავშირებით, შეიქმნას 5-კაციანი საკონსულტაციო ჯგუფი, რომელიც ვადამდელი საპარლამენტო არჩევნების ჩატარების საკითხზე იმსჯელებს, „ევროპული საქართველო" სხვადასხვა პოლიტიკურ ძალასთან გამართავს კონსულტაციებს.

„დავით ბაქრაძემ განცხადებაში გამოკვეთა პრიორიტეტები და გამოაცხადა, რომ ჩვენ დავიწყებთ კონსულტაციებს ყველა პოლიტიკურ ძალასთან“, - აღნიშნა რატიანმა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს